ಮ್ಯಾಡ್ರಿಕ್ : ಗ್ರೀಕ್ ನ ಫೈಟರ್ ಜೆಟ್ ಅಪಘಾತಕ್ಕೀಡಾಗಿ 10 ಪೈಲೆಟ್ ಗಳು ಸ್ಥಳದಲ್ಲೇ ಸಾವನಪ್ಪಿದ್ದು, 21 ಮಂದಿ ಗಾಯಗೊಂಡಿರುವ ಘಟನೆ ಸ್ಪೇನ್ ನ ನ್ಯಾಟೊ ಪೈಲಟ್ ತರಬೇತಿ ಕೇಂದ್ರದ ವಾಯು ನೆಲೆಯಲ್ಲಿ ನಡೆದಿದೆ.
ಸ್ಪೇನ್ ನ ನ್ಯಾಟೊ ಪೈಲಟ್ ತರಬೇತಿ ಕೇಂದ್ರದ ವಾಯು ನೆಲೆಯಲ್ಲಿ ಸಂಭವಿಸಿದ ಗ್ರೀಕ್‌ನ ಫೈಟರ್ ಜೆಟ್ ಅಪಘಾತಕ್ಕಿಡಾಗಿದ್ದು, ಫ್ರಾನ್ಸ್‌ನ 8 ಮಂದಿ ಹಾಗೂ ಗ್ರೀಕ್‌ನ ಇಬ್ಬರು ಸೇರಿ ಒಟ್ಟು 10 ಮಂದಿ ತರಬೇತಿ ಪಡೆಯುತ್ತಿದ್ದ ಪೈಲಟ್‌ಗಳು ಸಾವನ್ನಪ್ಪಿದ್ದಾರೆ.
ಎಫ್-16 ಫೈಟರ್‌ಜೆಟ್ ವಾಯು ನೆಲೆಯಿಂದ ಟೇಕ್ ಆಫ್ ಆಗುತ್ತಿದ್ದಂತೆಯೇ ನೈರುತ್ಯ ದಿಕ್ಕಿನ ಹೆಲ್‌ಬೆಸೆಟ್ ನಗರದ ಬಳಿ ದುರಂತಕ್ಕೀಡಾಯಿತು ಎಂದು ಮಿಲಿಟರಿ ಮೂಲಗಳು ತಿಳಿಸಿವೆ.
ಜೆಟ್ ಇದ್ದಕ್ಕಿದ್ದಂತೆ ಬೇರೆ ವಿಮಾನಗಳು ನಿಂತಿದ್ದ ಪ್ರದೇಶದಲ್ಲಿ ಪತನಗೊಂಡಿದ ಪರಿಣಾಮ ಇತರ 5 ವಿಮಾನಗಳು ಜಖಂ ಆಗಿವೆ ಎಂದು ಮೂಲಗಳು ಹೇಳಿವೆ.
ಜೆಟ್ ನ ಎಂಜಿನ್ ವೈಫಲ್ಯದಿಂದಾಗಿ ಬೆಂಕಿ ಹೊತ್ತಿಕೊಂಡು ಕೆಳಕ್ಕೆ ಬಿದ್ದಿದೆ ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಮೃತರಲ್ಲಿ ಮೂವರು ಕ್ಯಾಪ್ಟನ್‌ಗಳು, ಒಬ್ಬರು ಲೆಫ್ಟಿನೆಂಟ್ ಹಾಗೂ ಪೈಲಟ್‌ಗಳು ಸೇರಿದ್ದಾರೆ. ಘಟನೆಯಲ್ಲಿ ಇಟಲಿಯ 11 ಹಾಗೂ ಫ್ರಾನ್ಸ್‌ನ 10 ಮಂದಿ ಗಾಯಗೊಂಡಿದ್ದಾರೆ ಎಂದು ಮೂಲಗಳು ಹೇಳಿವೆ.