ನವದೆಹಲಿ: ರಾಷ್ಟ್ರಪತಿಯಾಗಿ ಪ್ರಣಬ್ ಮುಖರ್ಜಿ ಅವರು ಅಧಿಕಾರ ಸ್ವೀಕರಿಸಿ ಶುಕ್ರವಾರಕ್ಕೆ 3 ವರ್ಷವಾಗಿರುವ ಹಿನ್ನೆಲೆಯಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಪ್ರಣಬ್ ಮುಖರ್ಜಿ ಅವರಿಗೆ ಶನಿವಾರ ಶುಭಾಶಯ ಕೋರಿದ್ದಾರೆ.

ಅನೇಕ ಎಡವು ತೊಡವುಗಳ ಮಧ್ಯೆಯೇ ಪ್ರಣಬ್ ಮುಖರ್ಜಿ ಅವರು ಇದೀಗ ರಾಷ್ಟ್ರಪತಿಯಾಗಿ ಮೂರು ವರ್ಷ ಪೂರೈಸಿದ್ದು, ಪ್ರಣಬ್ ಮುಖರ್ಜಿ ಅವರ ರಾಜಕೀಯ ಅನುಭವ ಹಾಗೂ ನಿಲುವುಗಳಿಂದ ದೇಶಕ್ಕೆ ಸಾಕಷ್ಟು ಉಪಯೋಗಗಳಾಗಿವೆ ಎಂದು ಹೇಳಿದ್ದಾರೆ.

ಟ್ವಿಟ್ಟರ್ ಮೂಲಕ ಪ್ರಣಬ್ ಮುಖರ್ಜಿ ಅವರಿಗೆ ಶುಭ ಕೋರಿರುವ ಪ್ರಧಾನಿ ಅವರು, ಪ್ರಣಬ್ ಅವರು ಅತ್ಯಂತ ಸೂಕ್ಷ್ಮ ಗ್ರಾಹಿಯಾಗಿದ್ದು ಆಳವಾದ ಜ್ಞಾನ ಹೊಂದಿರುವವರಾಗಿದ್ದಾರೆ. ದೇಶದಕ್ಕಾಗಿ ತಮ್ಮ ಜೀವನವನ್ನೇ ಮುಂಡಿಪಾಗಿಟ್ಟಿರುವ ಪ್ರಣಬ್ ಮುಖರ್ಜಿ ಅವರ ಅಪಾರ ಅನುಭವ ಮತ್ತು ನಿಲುವುಗಳು ಇಂದು ದೇಶಕ್ಕೆ ಸಾಕಷ್ಟು ಉಪಯೋಗಗಳಾಗುತ್ತಿದ್ದು, ಇಂತಹ ರಾಷ್ಟ್ರಪತಿ ಹೊಂದಿರುವುದು ನಮಗೆ ಅಭಿಮಾನದ ಸಂಗತಿ ಎಂದು ಹೊಗಳಿದ್ದಾರೆ.