ನವದೆಹಲಿ: ಇಲಿ ಕಾಟದಿಂದಾಗಿ ಏರ್ ಇಂಡಿಯಾ ವಿಮಾನವನ್ನು ಕೆಳಗಿಳಿಸಿದ ಕುತೂಹಲಕಾರಿ ಘಟನೆ ಬೆಳಕಿಗೆ ಬಂದಿದೆ.
ಹೌದು, ಗುರುವಾರ ದೆಹಲಿಯಿಂದ ಇಟಲಿಯ ಮಿಲನ್‍ಗೆ ತೆರಳಿದ್ದ ಏರ್ ಇಂಡಿಯಾ ವಿಮಾನದಲ್ಲಿ ಇಲಿ ಕಾಣಿಸಿಕೊಂಡ ಪರಿಣಾಮ ಮತ್ತೆ ದೆಹಲಿಗೆ ಮರಳಿತ್ತು.
200 ಪ್ರಯಾಣಿಕರನ್ನು ಹೊತ್ತು ದೆಹಲಿಯಿಂದ ಇಟಲಿಯ ಮಿಲನ್‍ಗೆ ತೆರಳುತ್ತಿದ್ದ ಎಐ 123 ಡ್ರೀಮ್‍ಲೈನರ್ ವಿಮಾನ ಹಾರಾಟ ಪ್ರಾರಂಭಿಸಿದ 2 ಗಂಟೆಗಳ ಬಳಿಕ ಪಾಕಿಸ್ತಾನ ವಾಯುಕ್ಷೇತ್ರದಲ್ಲಿದ್ದ ಸಮಯದಲ್ಲಿ ವಿಮಾನದ ಕ್ಯಾಬಿನ್‍ನಲ್ಲಿ ಇಲಿಯೊಂದು ಓಡಾಡುತ್ತಿರುವುದು ಪ್ರಯಾಣಿಕರು ಕಣ್ಣಿಗೆ ಬಿದ್ದು ಸಿಬ್ಬಂದಿ ಗಮನಕ್ಕೆ ತಂದಿದ್ದಾರೆ. ತಕ್ಷಣ ವಿಮಾನ ದೆಹಲಿಗೆ ಮರಳಿದ್ದು ಇಲಿಯನ್ನು ಹೊರ ತೆಗೆದು ಮತ್ತೆ ಪ್ರಯಾಣ ಆರಂಭಿಸಿತು ಎನ್ನಲಾಗಿದೆ.