ವಾಷಿಂಗ್ಟನ್: ಅಮೆರಿಕ ಮಿನ್ನೆಸೋಟಾ ರಾಜ್ಯದ 16 ವರ್ಷದ ಅಪ್ರಾಪ್ತ ಬಾಲಕಿ ಲೈಂಗಿಕ ಕಿರುಕುಳ ನೀಡಿದ ಆರೋಪ ಎದುರಿಸುತ್ತಿರುವ ಭಾರತೀಯ ಮೂಲದ ಪಾದ್ರಿ (60) ರೆ.ಜೋಸೆಫ್ ಪಳನಿವೇಳ್ ಜಯಪಾಲ್ ತನ್ನ ತಪ್ಪು ಒಪ್ಪಿಕೊಂಡಿದ್ದು, 15 ವರ್ಷಗಳ ಕಾಲ ಶಿಕ್ಷೆಯಾಗುವ ಸಂಭವವಿದೆ.

2005 ರಲ್ಲಿ ಪಾದ್ರಿ ರೆ.ಜೋಸೆಫ್ ಪಳನಿವೇಳ್ ಜಯಪಾಲ್ ಅವರು ಅಮೆರಿಕದ 16 ವರ್ಷದ ಬಾಲಕಿಯೊಬ್ಬಳಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪಕ್ಕೆ ಗುರಿಯಾಗಿದ್ದರು. ಅವರ ವಿರುದ್ಧ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಪಾದ್ರಿಯನ್ನು ಅಮೆರಿಕಾ ಭಾರತಕ್ಕೆ ಗಡೀಪಾರು ಮಾಡಿತ್ತು. ನಂತರ 2012 ರ ಮಾರ್ಚ್ ತಿಂಗಳಿನಲ್ಲಿ ಭಾರತೀಯ ಪೊಲೀಸರು ಜಯಪಾಲ್ ಅವರನ್ನು ಮತ್ತೆ ಬಂಧನಕ್ಕೊಳಪಡಿಸಿದ್ದರು.

ಪ್ರಕರಣ ಸಂಬಂಧ ಇಂದು ಅಮೆರಿಕ ನ್ಯಾಯಾಲಯು ಮತ್ತೆ ವಿಚಾರಣೆ ನಡೆಸಿದ್ದು, ವಿಚಾರಣೆ ವೇಳೆ ಭಾರತೀಯ ಮೂಲದ ಪಾದ್ರಿ ಜಯಪಾಲ್ ತಪ್ಪೊಪ್ಪಿಕೊಂಡಿದ್ದು, ಶಿಕ್ಷೆಯ ಪ್ರಮಾಣವನ್ನು ಜೂನ್ 15ಕ್ಕೆ ಪ್ರಕಟಿಸುವುದಾಗಿ ನ್ಯಾಯಾಲಯವು ಹೇಳಿದೆ. ದೌರ್ಜನ್ಯಕ್ಕೊಳಗಾದ ಯುವತಿ 2005 ರಲ್ಲಿ ಪಾದ್ರಿ ಜಯಪಾಲ್ ಸಾಕಷ್ಟು ಬಾರಿ ಲೈಂಗಿಕ ಕಿರುಕುಳ ನೀಡುತ್ತಿದ್ದನು ಎಂಬ ದೂರೊಂದನ್ನು ದಾಖಲಿಸಿದ್ದಳು.