ನವದೆಹಲಿ: ಐಪಿಎಲ್ ಹಗರಣದ ಆರೋಪಿ ಲಲಿತ್ ಮೋದಿಗೆ ನೆರವು ನೀಡಿದ ವಿವಾದ ಸ್ಪೋಟಗೊಳ್ಳುತ್ತದೆಂದು ಗೊತ್ತಾದೊಡನೆ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಅವರು ರಾಜಿನಾಮೆ ನೀಡಲು ಮುಂದಾಗಿದ್ದರು ಎಂಬ ವಿಚಾರ ಬೆಳಕಿಗೆ ಬಂದಿದೆ.
ಈ ವಿವಾದ ಚಾನೆಲ್‍ಗಳಲ್ಲಿ ಪ್ರಸಾರವಾಗಲಿದೆ ಎಂಬ ಸುಳಿವು ಸಿಕ್ಕಿದೊಡನೆ ಅವರು ಪ್ರಧಾನಿ ನರೇಂದ್ರ ಮೋದಿಯನ್ನು ಭೇಟಿಯಾಗಿ ಮಾತನಾಡಿದ್ದರು. ಮಾರನೇ ದಿನ ಪ್ರಧಾನಿ, ಬಿಜೆಪಿಯ ಹಿರಿಯ ನಾಯಕರು ಮತ್ತು ರಾಷ್ಟ್ರೀಯ ಸ್ವಯಂಸೇವಕ ಸಂಘ(ಆರೆಸ್ಸೆಸ್)ದ ಸದಸ್ಯರು ಸಭೆ ಸೇರಿ ಮುಂದಿನ ಕಾರ್ಯತಂತ್ರದ ಬಗ್ಗೆ ಚರ್ಚಿಸಿದ್ದರು. ಸಭೆಯಲ್ಲಿ ಭಾಗವಹಿಸಿದ್ದ ಸುಷ್ಮಾ ಸ್ವರಾಜ್, ``ಈ ವಿವಾದದ ಮೂಲಕ ಸರ್ಕಾರಕ್ಕೆ ಮುಜುಗರ ಉಂಟುಮಾಡುವುದು ತಮಗೆ ಇಷ್ಟವಿಲ್ಲ'' ಎಂದು ರಾಜಿನಾಮೆ ನೀಡಲು ಮುಂದಾಗಿದ್ದರು. ಆದರೆ ಇದಕ್ಕೆ ಆರೆಸ್ಸೆಸ್ ಒಪ್ಪಲೇ
ಇಲ್ಲ.
``ನೀವು ಯಾವುದೇ ತಪ್ಪು ಮಾಡಿಲ್ಲ. ಬ್ರಿಟನ್ ಅಧಿಕಾರಿಗಳು ಲಲಿತ್ ಮೋದಿಗೆ ಸಹಾಯ ಮಾಡಿದ್ದರೆ ಅದು ಅವರ ಕಾನೂನಿನ ಪ್ರಕಾರ ಮಾಡಿರಲಾಗುತ್ತದೆ. ಅದಕ್ಕಾಗಿ ನೀವು ರಾಜಿನಾಮೆ ನೀಡುವ ಅಗತ್ಯವಿಲ್ಲ'' ಎಂದು ಹೇಳುವ ಮೂಲಕ ಆರೆಸ್ಸೆಸ್ ಸುಷ್ಮಾರನ್ನು ಸಮಾಧಾನಪಡಿಸಿತ್ತು. ಅಷ್ಟೇ ಅಲ್ಲ, ಸಚಿವೆಯನ್ನು ಸಮರ್ಥಿಸಿಕೊಳ್ಳುವ ಬಗ್ಗೆ ಕಾರ್ಯತಂತ್ರವೊಂದನ್ನೂ ಸಿದ್ಧಪಡಿಸಿತು. ಅದರಂತೆ, ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ, ಗೃಹ ಸಚಿವ ರಾಜನಾಥ್ ಸಿಂಗ್ ಮತ್ತು ಆರೆಸ್ಸೆಸ್ ನಾಯಕ ಇಂದ್ರೇಶ್ ಕುಮಾರ್ ಅವರು ಮಾಧ್ಯಮಗಳ ಮುಂದೆ ಸುಷ್ಮಾರನ್ನು ಬೆಂಬಲಿಸಿ ಮಾತನಾಡಿದ್ದರು ಎಂದೂ ಹೇಳಲಾಗಿದೆ.
ಆ ಮೂರು ವ್ಯಕ್ತಿಗಳು ಲಲಿತ್ ಮೋದಿ ಪರ ವಕೀಲರ ಪಿಆರ್ ಸಂಸ್ಥೆ ಮಾಧ್ಯಮಗಳಿಗೆ ಕಳುಹಿಸಿದ 250 ಪುಟಗಳ ದಾಖಲೆಯ 33ನೇ ಪುಟದಲ್ಲಿ ಮೋದಿ ಬ್ರಿಟನ್ ನಲ್ಲಿ ಉಳಿಯಲು ಯಾರೆಲ್ಲ ನೆರವು ನೀಡಿದ್ದರು ಎಂಬ ಮಾಹಿತಿಯಿತ್ತು.
ಆ ಮೂವರೆಂದರೆ,