ನವದೆಹಲಿ: ಜಾಗತಿಕ ಅಪಾಯದ ವಿಶ್ಲೇಷಣೆ ಸಂಸ್ಥೆ ನಡೆಸಿರುವ ಸಂಶೋಧನೆಯ ಪ್ರಕಾರ ಭಾರತದ 64 ನಗರಗಳಿಗೆ ಭಯೋತ್ಪಾದಕರ ಬೆದರಿಕೆಯಿದ್ದು, ಈ ನಗರಗಳು ಹೆಚ್ಚು ಅಪಾಯಕಾರಿಗಳಾಗಿವೆ ಎಂದು ಹೇಳಿದೆ.

ವಿಶ್ವದ ಅತೀ ಹೆಚ್ಚು ಅಪಾಯಕಾರಿ ನಗರಗಳ ಕುರಿತಂತೆ ಜಾಗತಿಕ ಅಪಾಯದ ವಿಶ್ಲೇಷಣೆ ಸಂಸ್ಥೆ (global risk analytics company Verisk Maplecroft) ಸಂಶೋಧನೆಯ ಪ್ರಕಾರ ಅತೀ ಹೆಚ್ಚು ಅಪಾಯದಲ್ಲಿರುವ ನಗರಗಳಲ್ಲಿ ಇರಾಕ್ ನ ಒಟ್ಟು 6 ನಗರಗಳು ಸ್ಥಾನ ಪಡೆದಿದ್ದು, ಬಾಗ್ದಾದ್ ಗೆ ಮೊದಲನೇ ಸ್ಥಾನ, ಮೊಸೂಲ್ 2, ಅಲ್ ರಮಡಿ 3, ಬಕುಬಹ್ 4 ಕಿರ್ಕುಕ್ 5, ಅಲ್ ಹಿಲ್ಲಾಹ್ 6ನೇ ಸ್ಥಾನ ಪಡೆದಿದೆ. ಇನ್ನು ಪಾಕಿಸ್ತಾನದ ಪೇಶಾವರ 7, ಕ್ವೆಟ್ಟಾ 9, ಹಸ್ಸು ಖೇಲ್ ನಗರ 10ನೇ ಸ್ಥಾನ ಪಡೆದಿದ್ದು, 8ನೇ ಸ್ಥಾನದಲ್ಲಿ ಲಿಬಿಯಾದ ಬೆಂಗಾಜಿ ಇದೆ.

ಇವಿಷ್ಟು ವಿಶ್ವದ ಇತರೆ ನಗರಗಳಾದರೆ ಇನ್ನು ಭಾರತದಲ್ಲಿನ 64 ನಗರಗಳು ಕೂಡ ಅಪಾಯದ ನಗರಗಳ ಪಟ್ಟಿಗೆ ಸೇರಿದೆ. ಪ್ರಮುಖವಾಗಿ ಇಂಫಾಲ 32ನೇ ಸ್ಥಾನ ಹಾಗೂ ಶ್ರೀನಗರ 49 ಸ್ಥಾನ ಪಡೆದು ಕೊಂಡಿದ್ದು, ಭಾರತದಲ್ಲಿ ಅತೀ ಹೆಚ್ಚು ಅಪಾಯದಲ್ಲಿರುವ ನಗರಗಳಾಗಿವೆ. ಇನ್ನು ಚೆನ್ನೈ 176 ನೇ ಸ್ಥಾನ ಪಡೆದಿದ್ದು, ಅಪಾಯದ ಮಧ್ಯಮ ಮಟ್ಟದಲ್ಲಿರುವ ನಗರವಾಗಿದೆ.

ಇನ್ನುಳಿದಂತೆ ದೆಹಲಿ 447, ಮುಂಬೈ 298, ಕೋಲ್ಕತಾ 212, ನಾಗ್ಪುರ 210, ಹೈದರಾಬಾದ್ 207, ಪುಣೆ 206, ಬೆಂಗಳೂರು 204ನೇ ಸ್ಥಾನ ಪಡೆದಿದ್ದು, ಅಪಾಯದ ಮಟ್ಟ ಕಡಿಮೆ ಹೊಂದಿರುವ ನಗರಗಳಾಗಿವೆ ಎಂದು ಹೇಳಿದೆ.