ಅಥೆನ್ಸ್/ಲಂಡನ್: ಆರ್ಥಿಕವಾಗಿ ಸಂಪೂರ್ಣವಾಗಿ ದಿವಾಳಿಯಾಗಿರುವ ಗ್ರೀಸ್‍ಗೆ ಅಂತಾರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್)ಯಿಂದ ಪಡೆದ ಸಾಲದ ಮುಂದಿನ ತಿಂಗಳ ಕಂತು ಕಟ್ಟಲೂ ಹಣವಿಲ್ಲ!
ಹೊಸದಾಗಿ ಸಾಲ ಪಡೆಯುವಲ್ಲಿ ಸರ್ಕಾರ ವಿಫಲವಾದರೆ ಐಎಂಎಫ್ ಮುಂದೆ ಸುಸ್ತಿದಾರನಾಗಬೇಕಾದ ಅನಿವಾರ್ಯತೆಗೆ ಗ್ರೀಸ್ ಒಳಗಾಗಲಿದೆ. ತಪ್ಪು ಆರ್ಥಿಕ ನೀತಿಗಳಿಂದ ದಿವಾಳಿ ಸ್ಥಿತಿಗೆ ತಲುಪಿರುವ ಗ್ರೀಸ್ ನಲ್ಲೀಗ ನೌಕರರಿಗೆ ವೇತನ, ನಿವೃತ್ತಿಯಾದವರಿಗೆ ಪಿಂಚಣಿ ಪಾವತಿಸಲೂ ಹಣ ಇಲ್ಲ. ಆರ್ಥಿಕ ನೆರವಿಗಾಗಿ ಗ್ರೀಸ್ ಸರ್ಕಾರ ಐರೋಪ್ಯ ರಾಷ್ಟ್ರಗಳು, ಐಎಂಎಫ್ ಜತೆ 4 ತಿಂಗಳಿಂದ ಚರ್ಚಿಸುತ್ತಿದೆ.