ಪಾಟ್ನಾ: ಬಿಹಾರ ವಿಧಾನಸಭಾ ಚುನಾವಣೆಯಲ್ಲಿ ಗೆದ್ದೇ ಗೆಲ್ಲುತ್ತೇವೆ ಎಂಬ ಆತ್ಮವಿಶ್ವಾಸ ಹೊಂದಿದ್ದ ಬಿಜೆಪಿ 100 ಕೆಜಿ ಸಿಹಿತಿಂಡಿಗಳಿಗೆ ಆರ್ಡರ್ ಮಾಡಿತ್ತು.
ಅಷ್ಟೇ ಅಲ್ಲ ಗೆಲ್ಲುವ ನಿರೀಕ್ಷೆಯಿಂದ ಪಟಾಕಿಗಳನ್ನೂ ಖರೀದಿಸಿತ್ತು.
ಚುನಾವಣೆ ಫಲಿತಾಂಶಗಳು ಬರುವ ಮುನ್ನ ಯಾವುದೇ ರೀತಿಯ ಸಂಭ್ರಮಾಚರಣೆ ಬೇಡ ಎಂದು ಬಿಹಾರ ರಾಜ್ಯ ಬಜೆಪಿ ಹೇಳಿತ್ತು. ಆದರೆ ಮತ ಎಣಿಕೆ ಆರಂಭವಾದ ಹೊತ್ತಲ್ಲಿ ಬಿಜೆಪಿ ಮುನ್ನಡೆ ಎಂಬ ಸುದ್ದಿ ಕೇಳುತ್ತಿದ್ದಂತೆ ಬಿಜೆಪಿ ಸಿಹಿ ತಿಂಡಿಗಳಿಗೆ ಆರ್ಡರ್ ನೀಡಿತ್ತು.
ಏತನ್ಮಧ್ಯೆ, ಕೆಲವೆಡೆ ಪಟಾಕಿ ಸಿಡಿಸಿ ಕಾರ್ಯಕರ್ತರು ಸಂಭ್ರಮಿಸಿದ್ದೂ ಆಯ್ತು. ಮರುಗಳಿಗೆಯಲ್ಲೇ ಬಿಜೆಪಿ ಹಿನ್ನಡೆ ಎಂಬ ಸುದ್ದಿ ಕೇಳುತ್ತಿದ್ದಂತೆಯೇ ಸಂಭ್ರಮಗಳಿಗೆ ಲಗಾಮು ಹಾಕಲಾಯಿತು.