ಚೆನ್ನೈ: ಸಿನಿಮಾದಲ್ಲಿ ಡೈಲಾಗ್ ಹೊಡೆದು ಅಭಿಮಾನಿಗಳಿಂದ ಚಪ್ಪಾಳೆ ಗಿಟ್ಟಿಸಿಕೊಳ್ಳುವ ನಟರು ನಿಜ ಜೀವನದಲ್ಲಿ ನಿಜಕ್ಕೂ ಕರ್ತವ್ಯ ಪಾಲಿಸಿ ಆದರ್ಶ ಮರೆಯುವಲ್ಲಿ ವಿಫಲರಾಗುತ್ತಾರೆಂಬುದಕ್ಕೆ ನಟ ವಿಜಯ್ ಸಾಕ್ಷಿಯಾಗುತ್ತಾರೆನ್ನಬಹುದು. ತಮಿಳುನಾಡಿನ ಸೂಪರ್ ಸ್ಟಾರ್ ಎಂದೇ ಖ್ಯಾತಿಗಳಿಸಿರುವ ನಟ ವಿಜಯ್ ಅವರು ಸತತವಾಗಿ 5 ವರ್ಷದಿಂದ ತೆರಿಗೆ ಕಟ್ಟಿಲ್ಲ ಎಂಬ ಮಾಹಿತಿಗಳು ಹೊರಬಿದ್ದಿದೆ.

ತೆರಿಗೆ ಪಾವತಿ ಬಾಕಿ ಹಿನ್ನೆಲೆಯಲ್ಲಿ ಆದಾಯ ತೆರಿಗೆ ಅಧಿಕಾರಿಗಳು ನಟ ವಿಜಯ್ ಹಾಗೂ ನಟಿಯರಾದ ಸಮಂತಾ ನಯನತಾರಾ, ನಿರ್ಮಾಪಕ ಪಿ.ಟಿ.ಸೆಲ್ವ ಕುಮಾರ್, ಶಿಬು ಟಮೀನ್ಸ್, ಫೈನಾನ್ಶಿಯರ್ ರಮೇಶ್ ಅವರುಗಳ ಮನೆ ದಾಳಿ ನಡೆಸಿದ್ದಾರೆ. ದಾಳಿ ವೇಳೆ ನಟ ನಟಿಯರು ತೆರಿಗೆ ಪಾವತಿಸದಿರುವ ಹಾಗೂ ವಂಚನೆ ಮಾಡಿರುವ ಮಾಹಿತಿಗಳು ಬೆಳಕಿಗೆ ಬಂದಿದೆ.

ವಿಜಯ್ ಸೇರಿದಂತೆ ಇನ್ನಿತರೆ ಎಲ್ಲಾ ವ್ಯಕ್ತಿಗಳು ತೆರಿಗೆ ಕಟ್ಟುತ್ತಿದ್ದಾರೆ. ಆದರೆ, ಸಂಪೂರ್ಣವಾಗಿ ತೆರಿಗೆ ಪಾವತಿ ಮಾಡಿಲ್ಲ. ಸುಮಾರು 25 ಕೋಟಿಗೂ ಹೆಚ್ಚು ಹಣ ವಂಚನೆ ಮಾಡಿದ್ದಾರೆ. ದಾಳಿ ವೇಳೆ 2 ಕೋಟಿ ಹಣ ಮತ್ತು 2 ಕೋಟಿ ಮೌಲ್ಯದ ಬಂಗಾರವನ್ನು ವಶಪಡಿಸಿಕೊಳ್ಳಲಾಗಿದೆ. ಸಮಂತಾ ಹಾಗೂ ನಯನತಾರಾ ಇಬ್ಬರು ನಟಿಯರು ಕಳೆದ 2 ವರ್ಷದಿಂದ ಸಂಪೂರ್ಣವಾಗಿ ತೆರಿಗೆ ಪಾವತಿಸಿಲ್ಲ. ನಟ ವಿಜಯ್ ಅವರು 5 ವರ್ಷದಿಂದ ತೆರಿಗೆ ಪಾವತಿ ಮಾಡಿಲ್ಲ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.