ನವದೆಹಲಿ: ಭ್ರಷ್ಟಾಚಾರದ ಆರೋಪ ಎದುರಿಸುತ್ತಿದ್ದ ಮಾಜಿ ಪ್ರಧಾನಿ ರಾಜೀವ್‍ಗಾಂಧಿ ಸರ್ಕಾರವನ್ನು ಪತನಗೊಳಿಸಲು ಬಹುದೊಡ್ಡ ಷಡ್ಯಂತ್ರ ನಡೆದಿತ್ತು. 

ಮಾಜಿ ರಾಷ್ಟ್ರಪತಿ ಗ್ಯಾನಿ ಜೈಲ್‍ಸಿಂಗ್ ಸೇರಿ ಹಲವು ಮಂದಿ ಈ ಸಂಚಿನ ಭಾಗವಾಗಿದ್ದರು ಎನ್ನುವ ಸ್ಫೋಟಕ ಮಾಹಿತಿಯೊಂದನ್ನು ವೆಸ್ಟರ್ನ್ ಕಮಾಂಡ್‍ನ ಮಾಜಿ ಕಮಾಂಡರ್, ಲೆಫ್ಟಿನೆಂಟ್ ಜನರಲ್ ಪಿ.ಎನ್. ಹೂನ್ ಅವರ `ದಿ ಅನ್‍ಟೋಲ್ಡ್ ಟ್ರುಥ್' ಬಹಿರಂಗ ಪಡಿಸಿದೆ.

1987ರಲ್ಲಿ ರಾಜೀವ್ ಸರ್ಕಾರವನ್ನು ಸೇನಾ ದಂಗೆ ಮೂಲಕ ಪದಚ್ಯುತಗೊಳಿಸಲು ಈ ಸಂಚು ರೂಪಿಸಲಾಗಿತ್ತು. ಸೇನಾ ದಂಗೆಗಾಗಿ ವೆಸ್ಟರ್ನ್ ಕಮಾಂಡ್ ಗೆ ಸೇರಿದ ಒಂದು ಸೇರಿ ಒಟ್ಟು 3 ಪ್ಯಾರಾ ಕಮಾಂಡೋ ಬೆಟಾಲಿಯನ್‍ಗಳಿಗೆ ದೆಹಲಿಗೆ ತೆರಳುವಂತೆ ಸೂಚಿಸಲಾಗಿತ್ತು. 

ಮಾಜಿ ಸೇನಾ ಮುಖ್ಯಸ್ಥ ಕೃಷ್ಣಸ್ವಾಮಿ¸ ಸುಂದರ್ ಹಾಗೂ ಲೆಫ್ಟಿನೆಂಟ್ ಜನರಲ್ ಎಸ್ ಎಫ್ ರೋಡ್ರಿಗಸ್ ಈ ಕಾರ್ಯಾಚರಣೆಯ ಭಾಗವಾಗಿದ್ದರು. ಸಿಂಗ್ ಅವರಿಗೆ ಭ್ರಷ್ಟಾಚಾರ ಹಾಗೂ ಸಿಖ್‍ದಂಗೆ ಕುರಿತು ಕ್ರಮ ಕೈಗೊಳ್ಳದ ರಾಜೀವ್ ವಿರುದ್ಧ ಅಸಮಾಧಾನ ಇತ್ತು. ಈ ವಿಚಾರ ಅರಿವಿಗೆ ಬರುತ್ತಿದ್ದಂತೆ ಹೂನ್ ತಕ್ಷಣ ರಾಜೀವ್ ಗಾಂಧಿ ಅವರಿಗೆ ಸುದ್ದಿ ನೀಡಿದ್ದರಂತೆ.