ನವದೆಹಲಿ:  ಸರ್ಕಾರಿ ಯೋಜನೆಗಳ ಫಲಾನುಭವ ವಿತರಣೆ ಯಲ್ಲಿ ಆಧಾರ್ ಕಾರ್ಡ್ ಬಳಕೆಯನ್ನು ಕಡ್ಡಾಯಗೊಳಿಸಲಾಗದು ಎಂದು ಸುಪ್ರೀಂ ಕೋರ್ಟ್ ಪುನರುಚ್ಚರಿಸಿದೆ. ಆದರೆ, ಎಲ್ಪಿ ಜಿ ಮತ್ತು ಸಾರ್ವಜನಿಕ ವಿತರಣೆ ವ್ಯವಸ್ಥೆಯಲ್ಲಿ ಆಧಾರ್ ಅನ್ನು ಸದ್ಯಕ್ಕೆ ಉಪಯೋಗಿಸಿಕೊಳ್ಳಬಹುದು ಎಂದಿದೆ. ನ್ಯಾ. ಜೆ.ಚೆಲಮೇಶ್ವರ್ ನೇತೃತ್ವದ ತ್ರಿಸದಸ್ಯ ಪೀಠ ಈ ತೀರ್ಪು ನೀಡಿದೆ.

ಖಾಸಗಿತನವು ಪ್ರಜೆಯ ಮೂಲಭೂತ ಹಕ್ಕೇ ಅಲ್ಲವೇ ಎಂದು ಪರಿಶೀಲಿಸಲು ರಚಿಸಲಾದ ಸಾಂವಿಧಾನಿಕ ಪೀಠವು ತನ್ನ ತೀರ್ಪು ನೀಡುವವರೆಗೆ ಎಲ್‍ಪಿಜಿ ಮತ್ತು ಸಾರ್ವ ಜನಿಕ ವಿತರಣೆಯಲ್ಲಿ ಆಧಾರ್ ಬಳಸ ಬಹುದು ಎಂದಿದೆ. ವಿತ್ತೀಯ, ಟೆಲಿಕಾಂ ಮತ್ತು ಸ್ಟಾಕ್ ಮಾರ್ಕೆಟ್ ವಹಿವಾಟುಗಳಲ್ಲಿ ಆಧಾರ್ ಅನ್ನು ಗುರುತು ಪತ್ರವಾಗಿಬಳಸುವುದನ್ನುಕಡ್ಡಾಯಗೊಳಿಸಲು ಅನುಕೂಲ ಮಾಡಿ ಕೊಡುವಂತೆ ಕೋರಿ ರಿಸರ್ವ್ ಬ್ಯಾಂಕ್, ಸೆಬಿ, ಐಆರ್‍ಡಿಎ ಮುಂತಾದ ವಿತ್ತೀಯ ಸಂಸ್ಥೆಗಳು ಕೋರ್ಟ್‍ಗೆ ಹೋಗಿದ್ದವು.

-ಎಲ್‍ಪಿಜಿ, ಸಾರ್ವಜನಿಕ ವಿತರಣೆ ವ್ಯವಸ್ಥೆಯಲ್ಲಿ ಬಳಸಿಕೊಳ್ಳಬಹುದು

- ಸಂವಿಧಾನ ಪೀಠದ ತೀರ್ಪು ಬರುವವರೆಗೂ ಬಳಕೆ ಮಾಡಬಹುದು ಎಂದ ಕೋರ್ಟ್