ಮುಂಬೈ: ಶೀನಾ ಬೋರಾ ಹತ್ಯೆ ಪ್ರಕರಣ ಸಂಬಂಧ ಬಂಧಿತಳಾಗಿರುವ ಇಂದ್ರಾಣಿ ಮುಖರ್ಜಿ ಅಸ್ವಸ್ಥಳಾಗಿದ್ದು ಬಲಹೀನತೆಯಿಂದೆಯೇ ಹೊರತು ಔಷಧಿ ಸೇವನೆಯಿಂದಲ್ಲ ಎಂದು ಪೊಲೀಸರು ಶನಿವಾರ ಮಾಹಿತಿ ನೀಡಿದ್ದಾರೆ.
ಬಂಧಿತ ಇಂದ್ರಾಣಿ ಮುಖರ್ಜಿಯವರ ಅಸ್ವಸ್ಥತೆ ಕುರಿತಂತೆ ಹಲವು ಚರ್ಚೆಗಳು ಎದ್ದಿದ್ದವು. ಅಕ್ಟೋಬರ್ 2 ಅಸ್ವಸ್ಥಗೊಂಡಿದ್ದ ಇಂದ್ರಾಣಿಯವರು ಆತ್ಮಹತ್ಯೆಗೆ ಪ್ರಯತ್ನ ಪಟ್ಟಿದ್ದು, ಆತ್ಮಹತ್ಯೆ ಮಾಡಿಕೊಳ್ಳಲು ಅತಿಯಾದ ಔಷಧಿಗಳನ್ನು ಸೇವನೆ ಮಾಡಿದ್ದರು ಎಂದು ಹೇಳಲಾಗುತ್ತಿತ್ತು.
ಇದೀಗ ಈ ಅನುಮಾನಗಳಿಗೆ ಪೊಲೀಸರು ತೆರೆ ಎಳೆದಿದ್ದು, ಇಂದ್ರಾಣಿ ಮುಖರ್ಜಿಯವರ ಪರಿಸ್ಥಿತಿಯನ್ನು ತನಿಖೆ ಮಾಡಿದ ನಮಗೆ ತಿಳಿದಿದ್ದು, ಅವರು ಅಸ್ವಸ್ಥಗೊಂಡಿದ್ದು ಕೇವಲ ಬಲಹೀನತೆಯಿಂದಲೇ ಹೊರತು ಅತಿಯಾದ ಔಷಧಿ ಸೇವನೆಯಿಂದಲ್ಲ. ಅವರು ಯಾವುದೇ ವಿಷವನ್ನು ಕುಡಿದಿರಲಿಲ್ಲ ಎಂದು ಹೇಳಿದ್ದಾರೆ.