ಪಾಟ್ನಾ: ಬಿಹಾರ ವಿಧಾನಸಭೆಗೆ ನಾಳೆ ನಡೆಯಲಿರುವ ನಾಲ್ಕನೇ ಹಂತದ ಚುನಾವಣೆಗೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮಂಗಳವಾರ ನಾಲ್ಕು ಕಡೆಗಳಲ್ಲಿ ಚುನಾವಣಾ ರ್ಯಾಲಿಗಳಲ್ಲಿ ಭಾಗವಹಿಸಿ ಭಾಷಣ ಮಾಡುತ್ತಿದ್ದಾರೆ. ಅವರ ಇದುವರೆಗಿನ ಭಾಷಣದ ಹೈಲೈಟ್ ಗಳು

• ಇಂದು ಅವರು ಮೊದಲ ಬಾರಿಗೆ ಸಿತಮರ್ಹಿಯಲ್ಲಿ ಭಾಷಣ ಮಾಡಿದರು. ಅಲ್ಲಿ ಬಿಹಾರ ರಾಜ್ಯಕ್ಕೆ ಅಗತ್ಯವಾದ ತಮ್ಮ ಆರು ಅಂಶಗಳ ದೂರದೃಷ್ಟಿ ಕಾರ್ಯಕ್ರಮಗಳಾದ ವಿದ್ಯುತ್, ನೀರು, ರಸ್ತೆ, ಶಿಕ್ಷಣ, ಉದ್ಯೋಗ ಮತ್ತು ಔಷಧ ಜನರಿಗೆ ಅಗತ್ಯ ಎಂದರು.
•  ಬಿಹಾರದ ಎಲ್ಲಾ ಜನತೆಗೆ ಇನ್ನು ಐದು ವರ್ಷಗಳೊಳಗೆ ಮನೆಗಳನ್ನು ಒದಗಿಸುವುದು ಬಿಜೆಪಿ ಸರ್ಕಾರದ ಆದ್ಯತೆಗಳಲ್ಲಿ ಪ್ರಮುಖವಾದುದು.
  
•  ನಿತೀಶ್ ಕುಮಾರ್ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ಮಂತ್ರ-ತಂತ್ರಗಳಿಂದ ರಾಜಕೀಯ ಪಕ್ಷಗಳಿಗೆ ತಮ್ಮ ತಪ್ಪುಗಳಿಂದ ಹೊರಬರಲು ಸಾಧ್ಯವಿದೆಯೇ? ಎಂದು ಪ್ರಶ್ನಿಸಿದರು, ಬಿಹಾರವನ್ನು 21ನೇ ಶತಮಾನಕ್ಕೆ ತಕ್ಕಂತೆ ಅಭಿವೃದ್ಧಿಪಡಿಸಬೇಕೇ ಹೊರತು 18ನೇ ಶತಮಾನಕ್ಕೆ ಕೊಂಡು ಹೋಗಲು ಬಿಡುವುದಿಲ್ಲ ಎಂದು ಮೋದಿ ಹೇಳಿದರು.
•  ಬಿಹಾರಕ್ಕೆ 50 ಸಾವಿರ ಕೋಟಿ ರೂಪಾಯಿ ನೀಡುವುದಾಗಿ ಅಧಿಕಾರಕ್ಕೆ ಬರುವ ಮೊದಲು ಭರವಸೆ ನೀಡಿತ್ತು. ಆದರೆ ನಾವು ಅಧಿಕಾರಕ್ಕೆ ಬಂದ ನಂತರ ಇಲ್ಲಿನ ಅಭಿವೃದ್ದಿಗೆ 1.65 ಲಕ್ಷ ಕೋಟಿ ನೀಡಿದ್ದೇವೆ.
• ಚುನಾವಣೆ ಎಂಬುದು ಪ್ರಜಾಪ್ರಭುತ್ವದ ಹಬ್ಬ. ಇದರಲ್ಲಿ ಸೋಲು, ಗೆಲುವು ಮುಖ್ಯವಲ್ಲ. ಮುಂದಿನ ದಿನಗಳಲ್ಲಿ ಬಿಹಾರವನ್ನು ಹೇಗೆ ಅಭಿವೃದ್ಧಿಪಡಿಸುತ್ತೇವೆ ಎಂಬುದು. ಈ ಚುನಾವಣೆ ಬಿಹಾರದ ಭವಿಷ್ಯವನ್ನು ನಿರ್ಧರಿಸುತ್ತದೆ. ಆದುದರಿಂದ ಬಿಹಾರ ಜನತೆಯೇ ಭವಿಷ್ಯದ ಆಡಳಿತದಾರರನ್ನು ಆಯ್ಕೆ ಮಾಡಬೇಕು.
• ನಮ್ಮ ಎದುರಾಳಿಗಳು ನಮ್ಮ ವಿರುದ್ಧ ಆಧಾರರಹಿತ ಆರೋಪಗಳನ್ನು ಮಾಡುತ್ತಿದ್ದಾರೆ.