ನವದೆಹಲಿ: ದುಬೈನಿಂದ 16 ಕೆಜಿ ತೂಕದ ಚಿನ್ನದ ಬಿಸ್ಕಟ್ಸ್ ಗಳನ್ನು ಮಕ್ಕಳ ಡಯಪರ್ ನಲ್ಟಿಟ್ಟು ಸಾಗಿಸುತ್ತಿದ್ದವರನ್ನು ಪೊಲೀಸರು ಬಂಧಿಸಿದ್ದಾರೆ.

ದೆಹಲಿಯ ಇಂದಿರಾಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಇಂದು ಬೆಳಗ್ಗೆ 7 ಗಂಟೆಗೆ ಬಂದ ವಿಮಾನದಲ್ಲಿ ಆರು ಮಂದಿ ಪ್ರಯಾಣಿಕರು ಆಗಮಿಸಿದ್ದರು. ಈ ವೇಳೆ ನಡೆಸಿದ ಭದ್ರತಾ ತಪಾಸಣೆ ವೇಳೆ ಸಿಕ್ಕಿಬಿದ್ದಿದ್ದಾರೆ.

1 ಕೆಜಿ ತೂಕದ 16 ಚಿನ್ನದ ಬಿಸ್ಕಟ್ ಗಳನ್ನು ಎರಡು ಮಕ್ಕಳ ಡಯಪರ್ ನಲ್ಲಿ ಮುಚ್ಚಿ, ಟವೆಲ್ ಸುತ್ತಿ ಸಾಗಿಸುತ್ತಿದ್ದರು ಕಸ್ಟಮ್ಸ್ ಅಧಿಕಾರಿಗಳ ಪರಿಶೀಲನೆ ವೇಳೆ  ಸಿಕ್ಕಿಬಿದ್ದಿದ್ದಾರೆ. ಈ ಇಬ್ಬರು ದಂಪತಿ ಸೂರತ್ ಮೂಲದವರಾಗಿದ್ದಾರೆ.