ನವದೆಹಲಿ: ಕಪ್ಪುಹಣ ಕೂಡಿಟ್ಟುಕೊಂಡಿರುವವರು ಹಾಗೂ ಕಪ್ಪು ಹಣವನ್ನು ಬಿಳಿ ಮಾಡಲು ಪ್ರಯತ್ನಿಸುತ್ತಿರುವವರ ಬಗ್ಗೆ ಸಾರ್ವಜನಿಕರಿಗೆ ಮಾಹಿತಿ ಇದ್ದರೇ ಅದನ್ನು ಸರ್ಕಾರಕ್ಕೆ ತಿಳಿಸಬಹುದು ಎಂದು ವಿತ್ತ ಸಚಿವಾಲಯದ ಆದಾಯ ವಿಭಾಗದ ಕಾರ್ಯದರ್ಶಿ ಹಶ್ಮುಖ್ ಆಧಿಯಾ ಹೇಳಿದ್ದಾರೆ.
ಕಪ್ಪು ಹಣದ ಬಗ್ಗೆ ಅನುಮಾನ ಇಲ್ಲವೇ ಖಚಿತ ಮಾಹಿತಿಯಿದ್ದರೇ ನೂತನ ಮೇಲ್ ಐಡಿ – blackmoneyinfo@incometax.gov.in ಗೆ ಕಳುಹಿಸಬಹುದಾಗಿದೆ ಎಂದು ಅಧಿಯಾ ತಿಳಿಸಿದ್ದಾರೆ.
ಮಾಹಿತಿಯನ್ನು ಆಧರಿಸಿ ಅಧಿಕಾರಿಗಳು ಶೀಘ್ರ ಕ್ರಮಕ್ಕೆ ಮುಂದಾಗಲಿದ್ದಾರೆ. ದೂರುದಾರರು ಯಾರು ಎನ್ನುವ ಮಾಹಿತಿಯನ್ನು ಗೌಪ್ಯವಾಗಿ ಇರಿಸಲಾಗುವುದು ಎಂದು ಹಶ್ಮುಖ್ ತಿಳಿಸಿದ್ದಾರೆ.