ಪಣಜಿ: 2017 ರಲ್ಲಿ ವಿಧಾನಸಭಾ ಚುನಾವಣೆ ಎದುರಿಸಲು ಸಜ್ಜುಗೊಂಡಿರುವ ಗೋವಾ ಸರ್ಕಾರ, ಪೆಟ್ರೋಲ್ ಮೌಲ್ಯವರ್ಧಿತ ತೆರಿಗೆಯನ್ನು  (ವ್ಯಾಟ್‌) ನ್ನು ಶೇ.6 ರಷ್ಟು ಇಳಿಕೆ ಮಾಡಿದೆ. 

ಶೇ.15 ರಷ್ಟಿದ್ದ ವ್ಯಾಟ್ ನ್ನು ಶೇ.9 ಕ್ಕೆ ಇಳಿಕೆ ಮಾಡಲಾಗಿದ್ದು ಪೆಟ್ರೋಲ್ ದರ 60 ರೂಪಾಯಿಗಳಿಗೆ ಇಳಿದಿದೆ. ಕಳೆದ ನಾಲ್ಕು ವರೆ ವರ್ಷಗಳಲ್ಲಿ ಗೋವಾ ಸರ್ಕಾರ 4 ನೇ ಬಾರಿಗೆ  ವ್ಯಾಟ್ ನ್ನು ಇಳಿಕೆ ಮಾಡಿದೆ.  ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಪೆಟ್ರೋಲ್ ದರವನ್ನು ಕಡಿಮೆ ಮಾಡುವುದು ಬಿಜೆಪಿಯ ಪ್ರಣಾಳಿಕೆಯ ಭಾಗವಾಗಿತ್ತು. 2012 ರ ವಿಧಾನಸಭಾ ಚುನಾವಣೆ ಬಳಿಕ ಬಿಜೆಪಿ ಸರ್ಕಾರ ಪೆಟ್ರೋಲ್ ಮೇಲಿದ್ದ ವ್ಯಾಟ್ ನಲ್ಲಿ ಶೇ.22 ರಷ್ಟು ಇಳಿಕೆ ಮಾಡಿತ್ತು.

ಆದರೆ ಕಳೆದ ಎರಡು ವರ್ಷಗಳಲ್ಲಿ ವ್ಯಾಟ್ ನ್ನು ಏರಿಕೆ ಮಾಡಿದ್ದರ ಪರಿಣಾಮವಾಗಿ ವ್ಯಾಟ್ ದರ 2012 ಕ್ಕಿಂತ ಮೊದಲಿನಷ್ಟೇ ಆಗಿತ್ತು.