ಡೆಹ್ರಾಡೂನ್: ಪಾಕಿಸ್ತಾನ ಅಪ್ರಚೋದಿತ ದಾಳಿ ಕುರಿತಂತೆ ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್, ಪಾಕಿಸ್ತಾನದಿಂದ ಯಾವಾಗ ಭಾರತದತ್ತ ಗುಂಡಿನ ದಾಳಿ ಆರಂಭವಾಗುತ್ತದೆಯೋ, ಆಗ ನಾವು ಹಾರಿಸುವ ಗುಂಡಿನ ಲೆಕ್ಕವಿಡಲೂ ನಿಮಗೆ ಅಸಾಧ್ಯ ಎಂದು ಪಾಕಿಸ್ತಾನಕ್ಕೆ ಎಚ್ಚರಿಕೆಯ ಸಂದೇಶ ನೀಡಿದ್ದಾರೆ.

ಉತ್ತರಖಂಡ್ ನ ಖಾಟಿಮಾದಲ್ಲಿ ನಡೆದ ಸಮಾರಂಭದಲ್ಲಿ ಮಾತನಾಡಿದ ರಾಜನಾಥ್ ಸಿಂಗ್, ಭಾರತದ ಕಡೆಯಿಂದ ಪಾಕಿಸ್ತಾನದತ್ತ ಯಾವತ್ತೂ ಮೊದಲು ಗುಂಡಿನ ದಾಳಿ ನಡೆಯಲ್ಲ. ಒಂದು ವೇಳೆ ಪಾಕಿಸ್ತಾನ ನಮ್ಮ ಮೇಲೆ ಗುಂಡಿನ ದಾಳಿ ಆರಂಭಿಸಿದರೆ, ನಮ್ಮ ಕಡೆಯಿಂದ ಹಾರುವ ಗುಂಡಿನ ಲೆಕ್ಕವಿಡಲು ನಿಮಗೆ(ಪಾಕಿಸ್ತಾನ) ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

ಜೆಎನ್ ಯು ವಿವಾದ ಕುರಿತಂತೆ ಕಾರ್ಯಕರ್ತರ ಮುಂದೆ ಹೇರಿದ ಧ್ವನಿಯಲ್ಲಿ ಮಾತನಾಡಿದ ಅವರು, ನಾವು ಎಲ್ಲವನ್ನು ಸಹಿಸಿಕೊಳ್ಳಬಲ್ಲೆವು ಆದರೆ ದೇಶವಿರೋಧಿ ಘೋಷಣೆಯನ್ನು ಯಾವತ್ತೂ ಸಹಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.