ರಾಯ್ ಪುರ: ಶಾಂತಿ ಸಂದೇಶ ಸಾರಲು ಪುಣೆ ಮೂಲಕ ಸೈಕಲ್ ರ್ಯಾಲಿ ಕೈಗೊಂಡಿದ್ದ ಮೂವರು ಯುವಕರನ್ನು ಛತ್ತೀಸ್​ಗಢದ ಬಿಜಾಪುರ್ ಜಿಲ್ಲೆಯಲ್ಲಿ ನಕ್ಸಲರು ಅಪಹರಿಸಿದ್ದಾರೆ.
ಮಹಾರಾಷ್ಟ್ರ- ಬಿಜಾಪುರ್ ಜಿಲ್ಲೆಯ ಗಡಿ ಪ್ರದೇಶದಲ್ಲಿರುವ ಮಹಾರಾಷ್ಟ್ರ ಗಡಿಯ ಬಿಜಾಪುರ ವಲಯದ ಬಸಗುಡ ಅರಣ್ಯದಿಂದ ವಿದ್ಯಾರ್ಥಿಗಳನ್ನು ಅಪಹರಿಸಲಾಗಿದೆ ಎಂಬ ಮಾಹಿತಿ ಇದೆ.  ಕೆಲ ದಿನಗಳ ಹಿಂದೆ ಕುತ್ರುವಿನಲ್ಲಿ ಅವರು ಸ್ಥಳೀಯರಿಗೆ ಕಡೆಯದಾಗಿ ಕಾಣಲು ಸಿಕ್ಕಿದ್ದರು ಎಂದು ಬಸ್ತಾರ್ ವಲಯದ ಐಜಿಪಿ ಎಸ್​ಆರ್​ಪಿ ಕಲ್ಲೂರಿ ಹೇಳಿದರು. ಡಿ.20 ರಂದು ಸೈಕಲ್ ರ್ಯಾಲಿ ಪ್ರಾರಂಭಿಸಿದ್ದ ಯುವಕರು ಕೆಲ ದಿನಗಳ ಹಿಂದೆ ಕುತ್ರುವಿನಲ್ಲಿ ಅವರು ಸ್ಥಳೀಯರಿಗೆ ಕಡೆಯದಾಗಿ ಕಾಣಲು ಸಿಕ್ಕಿದ್ದರು ಎಂದು ಬಸ್ತಾರ್ ವಲಯದ ಐಜಿಪಿ ಎಸ್​ಆರ್​ಪಿ ಕಲ್ಲೂರಿ ಹೇಳಿದ್ದಾರೆ.
ಪ್ರಾಥಮಿಕ ಮಾಹಿತಿಗಳ ಪ್ರಕಾರ ಈ ವಿದ್ಯಾರ್ಥಿಗಳನ್ನು ಆದರ್ಶ ಪಾಟೀಲ್, ವಿಲಾ ವಲಕೆ ಮತ್ತು ಶ್ರೀಕಿರ್ಹನ ಶೆಲವಲೆ ಎಂಬುದಾಗಿ ಗುರುತಿಸಲಾಗಿದೆ. ‘ಭಾರತ್ ಜೋಡೋ’ ಕಾರ್ಯಕ್ರಮದ ಅಂಗವಾಗಿ ಈ ವಿದ್ಯಾರ್ಥಿಗಳ ಸೈಕಲ್ ಯಾತ್ರೆ ಹೊರಟಿದ್ದರು.
ಇತ್ತೀಚಿನ ವರದಿಗಳ ಪ್ರಕಾರ  ಛತ್ತೀಸ್​ಗಢದ ಬಿಜಾಪುರ ಜಿಲ್ಲೆಯಲ್ಲಿ ನಕ್ಸಲೀಯರಿಂದ ಅಪಹರಣಗೊಂಡಿದ್ದ ಪುಣೆಯ ಮೂವರು ವಿದ್ಯಾರ್ಥಿಗಳನ್ನು ಬಿಡುಗಡೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.