ನವದೆಹಲಿ: ಜ.26, ಗಣರಾಜ್ಯೋತ್ಸವ ದಿನದಂದು ಮದರಸಾಗಳಲ್ಲಿ ತ್ರಿವರ್ಣ ಧ್ವಜವನ್ನು ಹಾರಿಸುವಂತೆ ಆರ್ ಎಸ್ಎಸ್ ನ ಮುಸ್ಲಿಂ ರಾಷ್ಟ್ರೀಯ ಮಂಚ್ ಕರೆ ನೀಡಿದೆ.

ಖಾಸಗಿ ಪತ್ರಿಯೊಂದರ ವರದಿ ಪ್ರಕಾರ, 26 ರಂದು ಮದರಸಾಗಳಲ್ಲಿ ರಾಷ್ಟ್ರ ಧ್ವಜಾರೋಹಣ ಮಾಡಲು ಕರೆ ನೀಡಿ ಆರ್ ಎಸ್ ಎಸ್ ನ ಮುಸ್ಲಿಂ ರಾಷ್ಟ್ರೀಯ ಮಂಚ್ ರಾಷ್ಟ್ರವ್ಯಾಪಿ ಅಭಿಯಾನ ಕೈಗೊಳ್ಳಲು ನಿರ್ಧರಿಸಿದ್ದು ಝಂಡಾ ಫಲಾನಿ ಅಭಿಯಾನವನ್ನು ರಾಷ್ಟ್ರವ್ಯಾಪಿ ನಡೆಸಲಿದೆ ಎಂದು ಉತ್ತರ ಪ್ರದೇಶದ ಎಂಆರ್ ಎಂ ನ ಸಂಯೋಜಕ ಮೆರಜಿಧ್ವಜ್ ಸಿಂಗ್ ಹೇಳಿದ್ದಾರೆ.

ಆದರೆ ಆರ್ ಎಸ್ ಎಸ್ ನ ಸಹ ಸಂಘಟನೆ ನೀಡಿರುವ ಕರೆಗೆ ವಿರೋಧ ವ್ಯಕ್ತಪಡಿಸಿರುವ ಕೆಲವು ಮುಸ್ಲಿಂ ಸಂಘಟನೆ ಮುಖಂಡರು,  ಗಣರಾಜ್ಯೋತ್ಸವದಂದು ಆರ್ ಎಸ್ ಎಸ್ ತನ್ನ ಕಚೇರಿಗಳಲ್ಲಿ ತ್ರಿವರ್ಣ ಧ್ವಜಾರೋಹಣ ಮಾಡುತ್ತದೆಯೇ? ಆರ್ ಎಸ್ಎಸ್ ನ ಮೂಲ ಸಿದ್ಧಾಂತ ರಾಷ್ಟ್ರಗೀತೆಯಲ್ಲಿ ನಂದಿಕೆ ಇಟ್ಟಿದೆಯೇ ಎಂದು ಪ್ರಶ್ನಿಸಿವೆ.