ಪಾಟ್ನಾ: ನಾನು ಯಾವ ಸೂಪರ್ ಸ್ಟಾರ್ ನಟನಿಗಿಂತ ಕಡಿಮೆ ಇಲ್ಲ ಎಂದು ರಾಷ್ಟ್ರೀಯ ಜನತಾದಳ(ಆರ್ಜೆಡಿ) ಅಧ್ಯಕ್ಷ ಲಾಲೂ ಪ್ರಸಾದ್ ಯಾದವ್ ಹೇಳಿದ್ದಾರೆ.
ನಟ ಇರ್ಫಾನ್ ಅಭಿನಯದ ಮದಾರಿ ಚಿತ್ರದ ಪ್ರಚಾರ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಲಾಲು ಪ್ರಸಾದ್ ಯಾದವ್ ಅವರು ಈ ವೇಳೆ ನಾನು ಸಹ ಯಾವ ನಟನಿಗಿಂತ ಕಡಿಮೆ ಇಲ್ಲ. ನನ್ನ ಜೀವನಾಧಾರಿತ ಚಿತ್ರವನ್ನು ತೆರೆಗೆ ತಂದರೆ ಅದರಲ್ಲಿ ನಾನೇ ಅಭಿನಯಿಸುತ್ತೇನೆ ಎಂದು ಹೇಳಿದ್ದಾರೆ.
ನನ್ನ ಜೀವನಾಧಾರಿತ ಚಿತ್ರವನ್ನು ಯಾರಾದರೂ ನಿರ್ಮಿಸುವುದಾದರೇ ಅದರಲ್ಲಿ ನಾನೇ ಮುಖ್ಯಪಾತ್ರದಲ್ಲಿ ಅಭಿನಯಿಸುತ್ತೇನೆ. ಇನ್ನು ನಟಿಯ ಆಯ್ಕೆಯನ್ನು ಇರ್ಫಾನ್ ವಹಿಸುವುದಾಗಿ ಲಾಲು ಹೇಳಿದ್ದಾರೆ.
ಲಾಲೂ ಪ್ರಸಾದ್ ಯಾದವ್ ಅವರು ಶಾಲಾ ಮತ್ತು ಕಾಲೇಜು ದಿನಗಳಲ್ಲಿ ಸಿನಿಮಾ ಪ್ರಿಯರಾಗಿದ್ದು ಹಲವು ಚಿತ್ರಗಳನ್ನು ನೋಡಿದ್ದಾರಂತೆ. ಇನ್ನು ಸೂಪರ್ ಸ್ಟಾರ್ ದಿಲೀಪ್ ಕುಮಾರ್ ಅವರ ನೆಚ್ಚಿನ ನಟರಾಗಿದ್ದರಂತೆ.
ನಟ ಸುನೀಲ್ ಶೆಟ್ಟಿ ಅಭಿನಯದ ಪದ್ಮಶ್ರೀ ಲಾಲೂ ಪ್ರಸಾದ್ ಯಾದವ್ ಚಿತ್ರದಲ್ಲಿ ಲಾಲು ಪ್ರಸಾದ್ ಅತಿಥಿ ಪಾತ್ರದಲ್ಲಿ ನಟಿಸಿದ್ದರು.