ಚೆನ್ನೈ: ತಮಿಳುನಾಡಿನಲ್ಲಿ ಸರ್ಕಾರಿ ಸ್ವಾಮ್ಯದ 500 ಬಾರ್ ಗಳಿಗೆ ಬೀಗ ಹಾಕಲು ಜಯಲಲಿತಾ ನೇತೃತ್ವದ ಸರ್ಕಾರ ಶನಿವಾರ ಸೂಚನೆ ಹೊರಡಿಸಿರುವ ಹಿನ್ನೆಲೆಯಲ್ಲಿ, ಅಧಿಕಾರಿಗಳು 500 ಬಾರ್ ಗಳಿಗೆ ಬೀಗ ಹಾಕಲು ಮುಂದಾಗಿರುವುದಾಗಿ ಭಾನುವಾರ ತಿಳಿದುಬಂದಿದೆ.

ನಿನ್ನೆಯಷ್ಟೇ ಸರ್ಕಾರಿ ಸ್ವಾಮ್ಯದ 500 ಬಾರ್ ಗಳಿಗೆ ಬೀಗ ಹಾಕುವಂತೆ ಜಯಲಲಿತಾ ಸರ್ಕಾರ ಅಧಿಕಾರಿಗಳಿಗೆ ಸೂಚನೆ ನೀಡಿತ್ತು. ಇದರಂತೆ ಇಂದು ಬಾರ್ ಗಳಿಗೆ ಬೀಗ ಹಾಕುವ ಕಾರ್ಯದಲ್ಲಿ ಅಧಿಕಾರಿಗಳು ತೊಡಗಿದ್ದಾರೆ.

ಚುನಾವಣೆಗೂ ಮುನ್ನ ಜಯಲಲಿತಾ ಅವರು ರಾಜ್ಯ ಸರ್ಕಾರಿ ಸ್ವಾಮ್ಯದ ಬಾರ್ ಗಳನ್ನು ಮುಚ್ಚುವುದಾಗಿ ಭರವಸೆ ನೀಡಿದ್ದರು. ಇದರಂತೆ ಚುನಾವಣೆಯಲ್ಲಿ ಗೆಲವು ಕಂಡ ಬಳಿಕ ರಾಜ್ಯ ಮಾರುಕಟ್ಟೆ ಕಾರ್ಪೋರೇಶನ್ ಕೇಂದ್ರದ ವ್ಯಾಪಾರ ಸಮಯವನ್ನು ಕಡಿಗೊಳಿಸಲು ಕ್ರಮ ಕೈಗೊಂಡಿದ್ದರು.

ನೀಡಿದ ಭರವಸೆಯಂತೆಯೇ ಒಂದೊಂದನ್ನೇ ಈಡೇರಿಸುತ್ತಿರುವ ಜಯಲಲಿತಾ ಅವರು ಇದೀಗ ಸರ್ಕಾರಿ ಸ್ವಾಮ್ಯದ 500 ಬಾರ್ ಗಳಿಗೆ ಬೀಗ ಹಾಕಿಸುತ್ತಿದ್ದಾರೆ. ಇನ್ನು ಈಗಾಗಲೇ ರಾಜ್ಯದಲ್ಲಿ ನೂತನ ಬಾರ್ ಗಳ ವೇಳಾಪಟ್ಟಿ ಜಾರಿಗೆ ಬಂದಿದ್ದು, ಮಧ್ಯಾಹ್ನ 12 ರಿಂದ ರಾತ್ರಿ 10 ರವರೆಗೆ ಮಾತ್ರ ಇಲ್ಲಿನ ಬಾರ್ ಗಳು ವ್ಯಾಪಾರ ನಡೆಸಬೇಕಿದೆ.