ಚೆನ್ನೈ: ಅಂತಾರಾಷ್ಟ್ರೀಯ ಗಡಿ ದಾಟಿ ಇರಾನ್ ನೌಕಾಪಡೆಯಿಂದ ಬಂಧಕ್ಕೀಡಾಗಿದ್ದ 49 ಮಂದಿ ಭಾರತೀಯ ಮೀನುಗಾರರನ್ನು ಇರಾನ್ ಬಿಡುಗಡೆ ಮಾಡಿದೆ.

ಚೆನ್ನೈನ ವಿಮಾನ ನಿಲ್ದಾಣಕ್ಕೆ ಗುರುವಾರ ಬೆಳಗ್ಗೆ 49 ಮೀನುಗಾರರು ಬಂಧಿಲಿದಿದ್ದಾರೆ. ಇವರಲ್ಲಿ 44 ಮಂದಿ ಮೀನುಗಾರರು ತಮಿಳುನಾಡು ಮೂಲದವರಾಗಿದ್ದು, ಇನ್ನೈದು ಮಂದಿ ಗುಜರಾತ್ ಮೂಲದವರಾಗಿದ್ದಾರೆ.

ಕಳೆದ ಡಿಸೆಂಬರ್ 1 ರಂದು ಇರಾನ್ ನೌಕಾಪಡೆ ಮೀನುಗಾರರನ್ನು ಬಂಧಿಸಿತ್ತು, ಸತತ 90 ದಿನಗಳ ಕಾಲ ಇರಾನ್ ಜೈಲಿನಲ್ಲಿದ್ದ ಮೀನುಗಾರರಿಗೆ ಬಿಡುಗಡೆ ಭಾಗ್ಯ ದೊರೆತ್ತಿದೆ.

ಬಿಡುಗಡೆ ನಂತರ ಮಾತನಾಡಿದ ಜೆಗನ್ ಜೋಸೆಫ್ ಕಳೆದ ಹಲವು ದಿನಗಳಿಂದ ಇರಾನ್ ಜೈಲಿನಲ್ಲಿದ್ದು, ಇದೀಗ ಬಿಡುಗಡೆಯಾಗಿರುವುದು ತುಂಬಾ ಖುಷಿಯಾಗಿದೆ. ನಮ್ಮನ್ನು ಜೈಲಿನಿಂದ ಬಿಡುಗಡೆ ಮಾಡಲು ಶ್ರಮಿಸಿದ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳಿಗೆ ಧನ್ಯವಾದಗಳನ್ನು ಅರ್ಪಿಸಿದರು.