ನವದೆಹಲಿ: ಭಾರತೀಯ ಪ್ರೌಢ ಶಿಕ್ಷಣ ಪ್ರಮಾಣಪತ್ರ(ಐಸಿಎಸ್ ಇ) 10ನೇ ತರಗತಿ ಮತ್ತು ಭಾರತೀಯ ಶಾಲಾ ಸರ್ಟಿಫಿಕೇಟ್ (ಐಎಸ್ ಸಿ)ಯ 12ನೇ ತರಗತಿಯ ಫಲಿತಾಂಶ ಇದೇ 6ರಂದು ಅಪರಾಹ್ನ 3 ಗಂಟೆಗೆ ಪ್ರಕಟವಾಗುವ ನಿರೀಕ್ಷೆಯಿದೆ.

ಇದೇ ಮೊದಲ ಬಾರಿಗೆ ಲೈವ್ ಇಂಕ್ ಕ್ಯಾರೆಕ್ಟರ್ ರೆಕಗ್ನಿಶನ್ ತಂತ್ರಜ್ಞಾನದ ಸಹಾಯದಿಂದ ಮಂಡಳಿ ನಿಗದಿಗಿಂತ ಎರಡು ವಾರ ಮೊದಲೇ ಫಲಿತಾಂಶ ಪ್ರಕಟಿಸಲಿದೆ. ವಿದ್ಯಾರ್ಥಿಗಳು ತಮ್ಮ ಫಲಿತಾಂಶವನ್ನು ವೆಬ್ ಸೈಟ್ ವಿಳಾಸ cisce.org, cisce.org/results ಅಥವಾ careers.cisce.org ಯಲ್ಲಿ ಮೇ 6ರಂದು ಅಪರಾಹ್ನ 3 ಗಂಟೆಗೆ  ವೀಕ್ಷಿಸಬಹುದು. ಎಸ್ ಎಂಎಸ್ ಮೂಲಕವೂ ಫಲಿತಾಂಶ ಲಭ್ಯವಿದೆ. ವಿದ್ಯಾರ್ಥಿಗಳು ICSE 1234567ನ್ನು 09248082883 ಸಂಖ್ಯೆಗೆ ಕಳುಹಿಸಿ.