ನವದೆಹಲಿ: ಎಡಪಂಥೀಯ ಉಗ್ರಗಾಮಿ ಪೀಡಿತ ರಾಜ್ಯಗಳಲ್ಲಿ ನಕ್ಸಲ್ ವಿರೋಧಿ ಕಾರ್ಯಾಚರಣೆ ನಡೆಸಲು  560 ಮಹಿಳಾ ಕಮಾಂಡರ್ ನ್ನು ನೇಮಿಸಲು ದೇಶದ ಅತಿದೊಡ್ಡ ಅರೆಸೈನಿಕ ಪಡೆಯಾದ ಕೇಂದ್ರ ಮೀಸಲು ಪೊಲೀಸ್ ಪಡೆ(ಸಿಆರ್ ಪಿಎಫ್) ನಿರ್ಧರಿಸಿದೆ.

ದೇಶದ ಅತ್ಯಂತ ಸವಾಲಿನ ಆಂತರಿಕ ಭದ್ರತಾ ವಿಭಾಗವನ್ನು ಪ್ರವೇಶಿಸಲು ಮಹಿಳೆಯರು ಸಿದ್ಧರಾಗಿದ್ದಾರೆ. ಕಳೆದ ವಾರ ರಾಜಸ್ತಾನದ ಅಜ್ಮೀರ್ ನಲ್ಲಿರುವ ಕೇಂದ್ರ ಮೀಸಲು ಪಡೆಯಿಂದ 567 ಮಹಿಳೆಯರು ತರಬೇತಿ ಮುಗಿಸಿಕೊಂಡು ಹೊರಬಂದಿದ್ದಾರೆ.

ಈ ಕುರಿತು ಸುದ್ದಿಸಂಸ್ಥೆಗೆ ಮಾಹಿತಿ ನೀಡಿದ ಕೇಂದ್ರ ಮೀಸಲು ಪೊಲೀಸ್ ಪಡೆಯ ಮಹಾ ನಿರ್ದೇಶಕ ಕೆ.ದುರ್ಗಾ ಪ್ರಸಾದ್, ಮಹಿಳಾ ಪಡೆಯ ವಿಭಾಗಗಳನ್ನು ಮಾಡಲಾಗಿದ್ದು, ಮೊದಲ ಹಂತದಲ್ಲಿ 100 ಮಹಿಳೆಯರನ್ನು ನೇಮಕಗೊಳಿಸಲಾಗುವುದು. ಆರಂಭದ ವರ್ಷಗಳಲ್ಲಿ ಅವರಿಗೆ ಕಠಿಣ ತರಬೇತಿ, ಕೆಲಸ ನೀಡಲಾಗುವುದು. ಅವರ ನೇಮಕಾತಿ ಪ್ರಕ್ರಿಯೆಗಳು, ಮೂಲ ಸೌಕರ್ಯ ಒದಗಿಸುವ ಕಾರ್ಯ ಪ್ರಗತಿಯಲ್ಲಿದೆ ಎಂದು ತಿಳಿಸಿದ್ದಾರೆ.