ಶ್ರೀನಗರ: ದಕ್ಷಿಣ ಕಾಶ್ಮೀರದ ಕಾಡುಗಳಲ್ಲಿ ಸೇನಾ ಸಮವಸ್ತ್ರ ಧರಿಸಿ ಹಿಜ್ಬುಲ್ ಮುಜಾಹುದ್ದೀನ್ ಭಯೋತ್ಪಾದಕರು ಅಲೆಯುತ್ತಿರುವ ದೃಶ್ಯಗಳನ್ನು ವಿಡಿಯೊವೊಂದು ಬಹಿರಂಗ ಮಾಡಿದೆ.

ಜಮ್ಮು ಕಾಶ್ಮೀರದ ಪುಲ್ವಾಮಾ ಜಿಲ್ಲೆಯ ದಟ್ಟ ಅರಣ್ಯ ಪ್ರದೇಶಗಳಲ್ಲಿ ಈ ಭಯೋತ್ಪಾದಕರು ಭಾರತೀಯ ಸೇನಾ ಸಮವಸ್ತ್ರದೊಂದಿಗೆ ತಿರುಗಾಡುತ್ತಿರುವ ಚಿತ್ರವನ್ನು ಮಾಧ್ಯಮವೊಂದು ಬಹಿರಂಗ ಮಾಡಿದೆ.

ಎಕೆ -47 ಬಂದೂಕುಗಳನ್ನು ಕೈಯಲ್ಲಿ ಹಿಡಿದಿರುವ ಈ ಭಯೋತ್ಪಾದಕರು ಥೇಟ್ ಸೇನಾ ಸಿಬ್ಬಂದಿಯಂತೆ ಕಾಣುತ್ತಾರೆ. ಕಾಶ್ಮೀರದಲ್ಲಿ ಸೇನಾ ಸಮವಸ್ತ್ರಗಳ ಮಾರಾಟಕ್ಕೆ ಸಂಪೂರ್ಣ ನಿಷೇಧವಿದ್ದರೂ, ಭಯೋತ್ಪಾದಕರ ಕೈಗೆ ಈ ಸಮವಸ್ತ್ರ ಸಿಕ್ಕಿದ್ದು ಹೇಗೆ ಎಂಬ ಪ್ರಶ್ನೆ ಕಾಡುತ್ತಿದೆ.