ನವದೆಹಲಿ: ನರೇಂದ್ರ ಮೋದಿ ಅವರು ಪ್ರಧಾನಿಯಾಗಿ ಎರಡು ವರ್ಷಗಳ ಬಳಿಕ ಅವರ ತಾಯಿ ಹೀರಾಬೆನ್ ಇದೇ ಮೊದಲ ಬಾರಿಗೆ ಮೋದಿ ಅವರ ಅಧಿಕೃತ ನಿವಾಸ ದೆಹಲಿಯಲ್ಲಿರುವ 7 ಪಿಸಿಆರ್ ಗೆ ಭೇಟಿ ನೀಡಿದ್ದಾರೆ. 

ಮೊಟ್ಟ ಮೊದಲ ಬಾರಿಗೆ ಅಧಿಕೃತ ನಿವಾಸಕ್ಕೆ ಭೇಟಿ ನೀಡಿದ ತಾಯಿಯೊಂದಿಗೆ ಕಾಲ ಕಳೆದ ಮೋದಿ, ನಿವಾಸವನ್ನು ಪರಿಚಯಿಸಿದರು. ತಾಯಿಯನ್ನು ವ್ಹೀಲ್ ಚೇರ್ ನಲ್ಲಿ ಕೂರಿಸಿ, ಅವರೇ ತಳ್ಳಿಕೊಂಡು ತಾಯಿಗೆ ತಮ್ಮ ನಿವಾಸದ ಮುಂಭಾಗದಲ್ಲಿರುವ ಹೂದೋಟವನ್ನು ಪರಿಚಯಿಸಿದರು. 

ಈ ಕುರಿತು ಟ್ವೀಟ್ ಮಾಡಿರುವ ಪ್ರಧಾನಿ, ಅಮ್ಮ ಗುಜರಾತ್ ಗೆ ಮರಳಿದ್ದಾರೆ. ಬಹಳ ದಿನಗಳ ಬಳಿಕ ತಾಯಿಯ ಜೊತೆ ಕಾಲ ಕಳೆಯುವ ಅವಕಾಶ ಒದಗಿ ಬಂದಿತ್ತು ಎಂದು ಹೇಳಿದ್ದಾರೆ.