ನವದೆಹಲಿ: ನಾಲ್ಕು ಲೋಕಸಭಾ ಹಾಗೂ ಎಂಟು ವಿಧಾಸಭಾ ಸ್ಥಾನಗಳಿಗೆ ನಡೆದ ಉಪ ಚುನಾವಣೆಯ ಮತ ಎಣಿಕೆ ಕಾರ್ಯ ನಡೆಯುತ್ತಿದ್ದು, ಮಧ್ಯಪ್ರದೇಶದ ಶಹದೋಲ್ ಲೋಕಸಭಾ ಕ್ಷೇತ್ರದಲ್ಲಿ ಬಿಜೆಪಿ ಭರ್ಜರಿ ಗೆಲುವು ಸಾಧಿಸಿದೆ.
ಉಪ ಚುನಾವಣೆ ನಡೆದಿದ್ದ ಅಸ್ಸಾಂನ ಲಖೀಮ್‌ಪುರ, ಮಧ್ಯಪ್ರದೇಶದ ಶಹದೋಲ್, ಕೂಚ್‌ ಬಿಹಾರ್‌ ಮತ್ತು ಪಶ್ಚಿಮ ಬಂಗಾಲದ ತಾಮ್‌ಲೂಕ್‌ ಪೈಕಿ ಶಹದೋಲ್ ಕ್ಷೇತ್ರದ ಫಲಿತಾಂಶ ಹೊರ ಬಿದ್ದಿದ್ದು, ಬಿಜೆಪಿ ಅಭ್ಯರ್ಥಿ ಗ್ಯಾನ್ ಸಿಂಗ್ ಅವರು ಗೆಲುವು ಸಾಧಿಸಿದ್ದಾರೆ. ಅಲ್ಲದೆ ಅಸ್ಸಾಂನ ಲಖೀಮ್‌ಪುರ ಅಭ್ಯರ್ಥಿ ಪ್ರಧಾನ್ ಬರುವಾ ಅವರು ಪ್ರತಿಸ್ಪರ್ಧಿ ಕಾಂಗ್ರೆಸ್ ಅಭ್ಯರ್ಥಿಗಿಂತ ಮುಂದಿದ್ದಾರೆ.
ಆರು ರಾಜ್ಯ ಮತ್ತು ಒಂದು ಕೇಂದ್ರಾಡಳಿತ ಪ್ರದೇಶವನ್ನು ಒಳಗೊಂಡಂತೆ ನಾಲ್ಕು ಲೋಕಸಭಾ ಕ್ಷೇತ್ರ ಮತ್ತು ಎಂಟು ವಿಧಾನಸಭಾ ಕ್ಷೇತ್ರಗಳಿಗೆ ನ.19ರಂದು ಉಪಚುನಾವಣೆ ನಡೆದಿತ್ತು.