ಶಬರಿಮಲೆ: 500-1000 ನೋಟುಗಳ ನಿಷೇಧದ ಬಳಿಕ ನೋಟುಗಳ ಚಲಾವಣೆಗೆ ಜನಸಾಮಾನ್ಯರು ಪರದಾಡುವಂತಾಗಿದೆ. ಆದರೆ ಶಬರಿಮಲೆನಲ್ಲಿ ಮಾತ್ರ ಭಕ್ತರು ಸುಲಭವಾಗಿ ಡೆಬಿಟ್ ಹಾಗೂ ಕ್ರೆಡಿಟ್ ಕಾರ್ಡ್ ಬಳಸಿ ಕಾಣಿಕೆ ಸಲ್ಲಿಸಬಹುದು.
ಇಂತದೊಂದು ವ್ಯವಸ್ಥೆಯನ್ನು ಆಳಪುಳ ಸಬ್ ಕಲೆಕ್ಟರ್ ಇ ಚಂದ್ರಶೇಖರ್ ಅವರು ಇ-ಹುಂಡಿ ಸೇವೆಯನ್ನು ಕಾರ್ಡ್ ಸ್ವೈಪ್ ಮಾಡುವ ಮೂಲಕ ಉದ್ಘಾಟಿಸಿ ಮೊದಲ ಕಾಣಿಕೆಯನ್ನು ಸಲ್ಲಿಸಿದರು. ಮೊದಲ ಬಾರಿಗೆ ಒಂದು ಸ್ವೈಪ್ ಯಂತ್ರವನ್ನು ಅಳವಡಿಸಲಾಗಿದ್ದು ಮುಂದಿನ ದಿನಗಳಲ್ಲಿ ಸಂಖ್ಯೆ ಹೆಚ್ಚಾಗಲಿದೆ.
ಸ್ವೈಪ್ ಯಂತ್ರವನ್ನು ಎಲ್ಲಿ ಅಳವಡಿಸಲಾಗಿದೆ?
ಸೋಪನಮ್ ನ ಎಡ ಬದಿಯ ಕೌಂಟರ್ ನಲ್ಲಿ ಅವಳಡಿಸಲಾಗಿದೆ.
ಯಾವ ಸಮಯದಲ್ಲಿ ಸ್ವೈಪ್ ಮಾಡಬಹುದು?
ಅಯ್ಯಪ್ಪ ದೇವಸ್ಥಾನ ತೆರೆಯುವುದರಿಂದ ಮುಚ್ಚುವವರೆಗೂ ಈ ವ್ಯವಸ್ಥೆ ಬಳಕೆಯಲ್ಲಿರಲಿದೆ.
ಇದನ್ನು ನಾವು ಹೇಗೆ ಬಳಸಬಹುದು?
ಕೌಂಟರ್ ನಲ್ಲಿ ಅವಳಡಿಸಲಾಗಿರುವ ಸ್ವೈಪ್ ಯಂತ್ರದಲ್ಲಿ ನಿಮ್ಮ ಕಾರ್ಡ್ ಅನ್ನು ಸ್ವೈಪ್ ಮಾಡಿ ಅಲ್ಲಿ ಪಡೆದ ರಶೀದಿಯನ್ನು ಇ-ಹುಂಡಿಯಲ್ಲಿ ಹಾಕಬೇಕು.
ಎಂತಹ ಕಾರ್ಡ್ ಗಳನ್ನು ಬಳಸಬಹುದು?
ಯಾವುದೇ ಬ್ಯಾಂಕಿನ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್ ಗಳನ್ನು ಬಳಸಬಹುದು.
ಹತ್ತು ರುಪಾಯಿ ಮೊತ್ತದಿಂದ ಹಿಡಿದು ನಿಮ್ಮ ಶಕ್ತ್ಯಾನುಸಾರ, ಯಾವುದೇ ಮಿತಿಯಿಲ್ಲ.
ಕ್ರೆಡಿಟ್ ಕಾರ್ಡ್ ಬಳಸಬಹುದಾ?
ಕ್ರೆಡಿಟ್ ಕಾರ್ಡ್ ಗಳನ್ನು ಬಳಸಬಹುದು, 1 ರುಪಾಯಿಯಿಂದ ಹಿಡಿದು ನಿಮ್ಮ ಬ್ಯಾಂಕ್ ಗಳು ಕೊಡುವ ನಿರ್ದಿಷ್ಟ ಮೊತ್ತದವರೆಗೂ.