ಹೈದರಾಬಾದ್: ಜೀವದಲ್ಲಿ ಒಂದೆರೆಡು ಮದುವೆಯಾಗಿ ನಿಭಾಯಿಸುವುದೇ ಕಷ್ಟದ ಕೆಲಸ ಅಂತಹದರಲ್ಲಿ ಇತ ಬರೋಬ್ಬರಿ 350ಕ್ಕೂ ಹೆಚ್ಚು ಮಹಿಳೆಯನ್ನು ವಿವಾಹವಾಗಿ ವಂಚಿಸಿದ್ದಾನೆ. 

ಕೆ. ವೆಂಕಟ್ ರತ್ನ ರೆಡ್ಡಿ ನೂರಾರು ಯುವತಿಯರೊಂದಿಗೆ ವಿವಾಹವಾಗಿ ವಂಚಿಸಿದ ಖ್ಯಾತಿಯನ್ನು ಹೊಂದಿದ್ದು, ಬಾಲಿವುಡ್ ಲೇಡಿಸ್ ವರ್ಸೆಸ್ ರಿಕಿ ಬಾಹ್ಲ್ ಚಿತ್ರದಲ್ಲಿ ರಣವೀರ್ ಸಿಂಗ್ ಪಾತ್ರವನ್ನು ರೆಡ್ಡಿ ಮೀರಿಸಿದ್ದಾರೆ. 

ಮ್ಯಾಟ್ರಿಮೋನಿಯಲ್ ಸೈಟ್(ವೈವಾಹಿಕ ತಾಣಗಳು) ಮೂಲಕ ದೊಡ್ಡ ಕುಳಗಳನ್ನು ತನ್ನ ಬಲೆಗೆ ರೆಡ್ಡಿ ಕೆಡುವುತ್ತಿದ್ದ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ. ಅಮೆರಿಕದಲ್ಲಿ ನೆಲೆಸಿರುವ ಕುಟುಂಬದ ದೂರನ್ನು ಆಧರಿಸಿ ಪೊಲೀಸರು ರೆಡ್ಡಿಯನ್ನು ಆಂಧ್ರಪ್ರದೇಶದ ಗುಂಟೂರು ಜಿಲ್ಲೆಯಲ್ಲಿ ಬಂಧಿಸಿದ್ದಾರೆ. ರೆಡ್ಡಿ ತೆಲಂಗಾಣ ಮತ್ತು ಆಂಧ್ರಪ್ರದೇಶದಲ್ಲಿ ಹಲವು ಪ್ರಕರಣಗಳಲ್ಲಿ ಬೇಗಾಗಿದ್ದ ಆರೋಪಿಯಾಗಿದ್ದ. 

ಅನಿವಾಸಿ ಭಾರತೀಯ ಕುಟುಂಬದ ಯುವತಿಯೊಬ್ಬಳು ರೆಡ್ಡಿಯೊಂದಿಗೆ ವಿವಾಹಕ್ಕೆ ಮುಂದಾಗಿದ್ದಳು. ಆಕೆಯೊಂದಿಗೆ ವಿವಾಹವಾಗಿ ಕೇವಲ 20 ದಿನಗಳಲ್ಲಿ ಪತ್ನಿಯ ಕುಟುಂಬಕ್ಕೆ 20 ಲಕ್ಷ ರುಪಾಯಿ ವಂಚಿಸಿ ಪರಾರಿಯಾಗಿದ್ದ ರೆಡ್ಡಿ ಇದೇ ರೀತಿ ಸುಮಾರು 350ಕ್ಕೂ ಹೆಚ್ಚು ಮಹಿಳೆಯರಿಗೆ ವಿವಾಹವಾಗಿ ವಂಚಿಸಿ ಪರಾರಿಯಾಗುತ್ತಿದ್ದ ಎಂದು ಪೊಲೀಸರು ಹೇಳಿದ್ದಾರೆ.