ಬಿಜ್ನೋರ್: ದೆಹಲಿ, ಉತ್ತರ ಪ್ರದೇಶವನ್ನು ಟಾರ್ಗೆಟ್ ಮಾಡುತ್ತಿದ್ದ, ಭಯೋತ್ಪಾದಕ ದಾಳಿಯಲ್ಲಿ ತೊಡಗಿದ್ದಾರೆ ಎನ್ನಲಾಗಿದ್ದ 5 ಯುವಕರ ಬಂಧನದ ನಂತರ ಉತ್ತರ ಪ್ರದೇಶದಲ್ಲಿ 2,000 ಮದರಸಾ, ಮಸೀದಿಗಳ ಮೇಲೆ ನಿಗಾ ವಹಿಸಲಾಗಿದೆ.
ಉತ್ತರ ಪ್ರದೇಶದ ಬಿಜ್ನೋರ್ ಸುತ್ತಮುತ್ತಲ ಪ್ರದೇಶಗಳಲ್ಲಿರುವ 2,000 ಮಸೀದಿ ಹಾಗೂ ಮದರಸಾಗಳ ಮೇಲೆ ಭದ್ರತಾ ನಿಗಾ ಇಡಲಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಉತ್ತರ ಪ್ರದೇಶದಿಂದ ಬಂಧಿತರಾಗಿರುವ ಯುವಕರಿಗೆ ಉಗ್ರವಾದದೊಂದಿಗೆ ನಂಟಿದ್ದು, ವಿವಿಧ ಮದರಸಾಗಳಲ್ಲಿ ಓದಿದ್ದಾರೆ. ಈ ಹಿನ್ನೆಲೆಯಲ್ಲಿ ಮದರಸಾಗಳ ಮೇಲೆ ನಿಗಾ ವಹಿಸಲಾಗಿದೆ ಎಂದು ಬಿಜ್ನೋರ್ ನ ಎಸ್ ಪಿ ಅಜಯ್ ಸಹಾನಿ ಹೇಳಿದ್ದಾರೆ.
ಯುವಕರನ್ನು ಉಗ್ರವಾದಕ್ಕೆ ಉತ್ತೇಜಿಸುವ ಸಂಸ್ಥೆಗಳು ಹಾಗೂ ಪ್ರದೇಶಗಳ ಬಗ್ಗೆಯೂ ಕಟ್ಟುನಿಟ್ಟಿನ ನಿಗಾ ವಹಿಸುತ್ತಿದ್ದೇವೆ ಎಂದು ಉತ್ತರ ಪ್ರದೇಶದ ಪೊಲೀಸ್ ಅಧಿಕಾರಿಗಳು ಹೇಳಿರುವುದನ್ನು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.