ಅಹಮದಾಬಾದ್: ಭೀಕರ ಪ್ರವಾಹದಿಂದಾಗಿ ಗುಜರಾತ್ ಅಕ್ಷರಶಃ ತತ್ತರಿಸಿ ಹೋಗಿದೆ. ಈ ಮಧ್ಯೆ ಮಳೆಯಿಂದಾಗಿ ಹೂಳು ತುಂಬಿದ್ದ ಹಿಂದೂ ದೇವಾಲಯಗಳನ್ನು ಮುಸ್ಲಿಂ ಸಮುದಾಯದವರು ಸ್ವಚ್ಛಗೊಳಿಸಿ ಕೋಮು ಸೌಹಾರ್ದತೆ ಮೆರೆದಿದ್ದಾರೆ. 

ಅತಿ ಹೆಚ್ಚು ಪ್ರವಾಹಕ್ಕೆ ಒಳಗಾದ ಜಿಲ್ಲೆ ಬನಸ್ಕಾಂತ. ಈ ಜಿಲ್ಲೆಯ ಧನೆರಾ ನಗರದಲ್ಲಿ ಸುಮಾರು 8ರಿಂದ 10 ಅತಿ ನೀರು ಆವರಿಸಿತ್ತು. ಪ್ರವಾಹ ಇಳಿಮುಖವಾಗಿದ್ದು ಮನೆ, ಮಸೀದಿ ಮತ್ತು ದೇವಾಲಯಗಳಲ್ಲಿ ಹೂಳು ತುಂಬಿತ್ತು. ಈ ದೇವಾಲಯಗಳಲ್ಲಿ ತುಂಬಿಕೊಂಡಿದ್ದ ಹೂಳನ್ನು ತೆಗೆಯಲು ಪಾಲಂಪುರ್ ನ ಜಮೀಯತ್ ಉಲೇಮಾ-ಎ-ಹಿಂದ್ ನ ಮುಸ್ಲಿಂ ಬಾಂಧವರು ಕೈಜೋಡಿಸಿದ್ದಾರೆ. 

ಸಿದ್ಧಿ ವಿನಾಯಕ ಗಣಪತಿ ದೇವಾಲಯದಲ್ಲಿ ಪ್ರವಾಹದಿಂದಾಗಿ ದೇವಾಲಯದಲ್ಲಿ ಹೂಳು ತುಂಬಿಕೊಂಡಿದ್ದು ನಾನು ದೇವಾಲಯವನ್ನು ಸ್ವಚ್ಛಗೊಳಿಸುವ ಕಾರ್ಯದಲ್ಲಿ ತೊಡಗಿಕೊಂಡಿದ್ದೆ. ಈ ವೇಳೆ ನನ್ನ ಸಹಾಯಕ್ಕೆ ಬಂಧ 15 ರಿಂದ 20 ಮುಸ್ಲಿಂ ಬಾಂಧವರು ಸತತ 2 ಗಂಟೆ ಕಾಲ ದೇವಾಲಯವನ್ನು ಸ್ವಚ್ಛಗೊಳಿಸಿದರು ಎಂದು ದೇವಾಲಯದ ಪೂಜಾರಿ ಹೇಳಿದ್ದಾರೆ.