ಪಣಜಿ: ಮುಂದಿನ ವರ್ಷದ ಡಿಫೆನ್ಸ್ ಎಕ್ಸ್ಪೋ ಆಯೋಜನೆಗೆ ಗೋವಾ ಸರ್ಕಾರ ಸಿದ್ಧಗೊಂಡಿದೆ ಎಂದು ಗೋವಾ ಮುಖ್ಯಮಂತ್ರಿ ಮನೋಹರ್ ಪರಿಕ್ಕರ್ ಹೇಳಿದ್ದಾರೆ. 

ರಕ್ಷಣಾ ಸಚಿವಾಲಯ ದ್ವೈವಾರ್ಷಿಕವಾಗಿ ಆಯೋಜಿಸುವ ಡಿಫೆನ್ಸ್ ಎಕ್ಸ್ಪೋ ಕಾರ್ಯಕ್ರಮವನ್ನು ಕಳೆದ ವರ್ಷ ಗೋವಾದ ನಾಕ್ವೆರಿ-ಕ್ವಿಟೋಲ್ ನಲ್ಲಿ ಆಯೋಜಿಸಲಾಗಿತ್ತು. ಈ ಬಾರಿ ಡಿಫೆನ್ಸ್ ಎಕ್ಸ್ಪೋ ಕಾರ್ಯಕ್ರಮ ಆಯೋಜಿಸಲು ಗೋವಾ ಸರ್ಕಾರ ಸಿದ್ಧಗೊಂಡಿದೆ ಎಂದು ಸಿಎಂ ಮನೋಹರ್ ಪರಿಕ್ಕರ್ ಹೇಳಿದ್ದಾರಾದರೂ ನಾಕ್ವೆರಿ-ಕ್ವಿಟೋಲ್ ದಲ್ಲಿ ಎಕ್ಸ್ಪೋ ಆಯೋಜನೆಗೊಳ್ಳಲಿರುವ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ. 

ಡಿಫೆನ್ಸ್ ಎಕ್ಸ್ಫೋ 2018 ಗೋವಾದಲ್ಲಿ ನಡೆಯಲಿದೆ ಎಂಬುದಷ್ಟೇ ತೀರ್ಮಾನವಾಗಿದೆ ಎಂದಷ್ಟೇ ಪರಿಕ್ಕರ್ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. ಡಿಫೆನ್ಸ್ ಎಕ್ಸ್ಫೋ ಕಾರ್ಯಕ್ರಮದಲ್ಲಿ ರಕ್ಷಣಾ ಉತ್ಪನ್ನಗಳು ಪ್ರದರ್ಶನಗೊಳ್ಳಲಿದೆ.