ಪಾಕಿಸ್ತಾನ-ಭಾರತದ ಧ್ವಜ 
ದೇಶ

ಸ್ನೇಹಿತೆಗೆ ಸರಸ್ವತಿ ದೇವಿಯ ವಿಗ್ರಹದ ಉಡುಗೊರೆಯೊಂದಿಗೆ ಸ್ವದೇಶಕ್ಕೆ ಮರಳಿದ ಪಾಕ್ ಯುವತಿ

ಹಿಂದೂ-ಮುಸಲ್ಮಾನ ಸ್ನೇಹದ ಸಂಕೇತವಾಗಿ ಪಾಕಿಸ್ತಾನದ ಹುಡುಗಿಯೊಬ್ಬಳು ತನ್ನ ಸ್ನೇಹಿತೆಗೆ ಉಡುಗೊರೆ...

ಭೋಪಾಲ್: ಹಿಂದೂ-ಮುಸಲ್ಮಾನ ಸ್ನೇಹದ ಸಂಕೇತವಾಗಿ  ಪಾಕಿಸ್ತಾನದ ಹುಡುಗಿಯೊಬ್ಬಳು ತನ್ನ ಸ್ನೇಹಿತೆಗೆ ಉಡುಗೊರೆ ನೀಡಲು ಸರಸ್ವತಿ ದೇವಿಯ ಮೂರ್ತಿಯೊಂದಿಗೆ ಸ್ವದೇಶಕ್ಕೆ ಮರಳಿದ್ದಾಳೆ.
ಕರಾಚಿಯ ನಿವಾಸಿ 21 ವರ್ಷದ ತುಬಾ ಫಾತಿಮಾ ತನ್ನ ಅಜ್ಜಿ ಮನೆಯಾದ ಮಧ್ಯ ಪ್ರದೇಶದ ಹರ್ದಾ ಜಿಲ್ಲೆಯಿಂದ ನಿನ್ನೆ ತನ್ನ ತಾಯಿ ಮತ್ತು ಸೋದರನ ಜೊತೆ ಸ್ವದೇಶಕ್ಕೆ ಮರಳಿದ್ದಾಳೆ.
ಈ ಸಂದರ್ಭದಲ್ಲಿ ಭೋಪಾಲ್ ನಿಂದ 165 ಕಿಲೋ ಮೀಟರ್ ದೂರದಲ್ಲಿರುವ ಹರ್ದಾದಲ್ಲಿ ಪತ್ರಕರ್ತರೊಂದಿಗೆ ಮಾತನಾಡಿದ ತುಬಾ ಫಾತಿಮ, ತಿಂಗಳ ಹಿಂದೆ ನಾನು ನನ್ನ ಅಜ್ಜಿ ಮನೆಗೆ ಹೋಗುವಾಗ ಪಾಕಿಸ್ತಾನದಲ್ಲಿರುವ ನನ್ನ ಸ್ನೇಹಿತೆಯಲ್ಲಿ ಭಾರತದಿಂದ ಬರುವಾಗ ಏನು ಉಡುಗೊರೆ ತರಬೇಕೆಂದು ಕೇಳಿದ್ದೆ. ಅದಕ್ಕವಳು ಸರಸ್ವತಿ ದೇವಿಯ ಮೂರ್ತಿ ತಂದು ಕೊಡು ಎಂದು ಕೇಳಿದಳು'' ಎಂದಳು.
ಆಕೆಯ ಮಾವ ಹರ್ದಾದಲ್ಲಿರುವ ಅಹದ್ ಖಾನ್ ಮಾತನಾಡಿ, ನನ್ನ ಸೊಸೆ ಸರಸ್ವತಿ ದೇವರ ಮೂರ್ತಿ ಬೇಕೆಂದು ಕೇಳಿದಳು. ದೇವರ ವಿಗ್ರಹಗಳು, ಮೂರ್ತಿಗಳನ್ನು ಮಾರುವ ಅಂಗಡಿಗೆ ಕರೆದುಕೊಂಡು ಹೋದೆನು. ಅಲ್ಲಿ ಅವಳಿಗೆ ಸರಸ್ವತಿ ದೇವರ ಮೂರ್ತಿ ಸಿಕ್ಕಿತು ಎಂದರು.
ನನ್ನ ಈ ಮರೆಯಲಾರದ ಉಡುಗೊರೆ ಸ್ನೇಹಿತೆ ರಿತುವಿನ ಆಸೆಯನ್ನು ಈಡೇರಿಸುತ್ತದೆ ಎಂದು ಭಾವಿಸುತ್ತೇನೆ ಎನ್ನುತ್ತಾರೆ ತುಬಾ.
ಪಾಕಿಸ್ತಾನದ ಖಾಸಗಿ ಕಾರ್ಖಾನೆಯೊಂದರಲ್ಲಿ ಕೆಲಸ ಮಾಡುತ್ತಿರುವ ತುಬಾ ಮತ್ತು ರಿತು ಉತ್ತಮ ಸ್ನೇಹಿತೆಯರು. ಕಳೆದ ವರ್ಷ ತಬಾಳ ತಾಯಿ ಮಧ್ಯ ಪ್ರದೇಶಕ್ಕೆ ಬಂದಿದ್ದಾಗ ರಿತುವಿಗಾಗಿ ಗಣೇಶ ದೇವರ ಮೂರ್ತಿ ತೆಗೆದುಕೊಂಡು ಹೋಗಿದ್ದರು ಎಂದು ನೆನಪಿಸುತ್ತಾರೆ ತುಬಾ.

Follow KannadaPrabha channel on WhatsApp

  

KannadaPrabha News app ಡೌನ್‌ಲೋಡ್ ಮಾಡಿ, ಇತ್ತೀಚಿನ ಸುದ್ದಿಗಳ ಅಪ್ಡೇಟ್ಸ್ ಪಡೆಯಿರಿ

 

Subscribe to KannadaPrabha YouTube Channel and watch Videos

ಅಮೆರಿಕ ನಿಯೋಜಿತ ರಾಯಭಾರಿ ಸೆರ್ಗಿಯೊ ಗೋರ್- ಮೋದಿ, ಜೈಶಂಕರ್ ಭೇಟಿ; Tariff ಒತ್ತಡದ ನಡುವೆ ಭಾರತ-ಅಮೆರಿಕ ಸಂಬಂಧ ಸುಧಾರಣೆಯ ಸೂಚನೆ?

ಅಫ್ಘಾನಿಸ್ತಾನ ನಮ್ಮೊಂದಿಗೆ ಗಡಿ ಹಂಚಿಕೊಂಡಿರುವ ನೆರೆ ರಾಷ್ಟ್ರ- S Jaishankar; ಭಾರತದೊಂದಿಗೆ POK ವಿಲೀನದ ಸುಳಿವು; ಚೀನಾಗೂ ಶಾಕ್!

ಅಬ್ಬಬ್ಬಾ ರೋಮಾಂಚನ: ಅದ್ಭುತ ಸೃಷ್ಟಿಸಿದ ರಿಷಬ್ ಶೆಟ್ಟಿಗೆ ರಾಷ್ಟ್ರಪ್ರಶಸ್ತಿ ಕೊಡಲೇಬೇಕು - ತಮಿಳು ನಿರ್ದೇಶಕ ಅಟ್ಲೀ

Pakistan: ಇಸ್ರೇಲ್ ವಿರೋಧಿ ಪ್ರತಿಭಟನಾ ಜಾಥಾ, ಪೋಲೀಸರ ಗುಂಡೇಟಿಗೆ 11 ಮಂದಿ ಬಲಿ! Video

ಉತ್ತರ ಪ್ರದೇಶಕ್ಕೆ ಭೇಟಿ ನೀಡಿದ ತಾಲಿಬಾನ್ ಸಚಿವನಿಗೆ ಅದ್ಧೂರಿ ಸ್ವಾಗತ, ಸರ್ಕಾರದ ಭದ್ರತೆ; ಯೋಗಿಗೆ ನಾಚಿಕೆಯಾಗಬೇಕು- SP ಸಂಸದ ಶಫೀಕರ್

SCROLL FOR NEXT