ನವದೆಹಲಿ: ಪ್ರತಿ ತಿಂಗಲೂ ಗೃಹ ಬಳಕೆ ಎಲ್‌ಪಿಜಿ ಸಿಲಿಂಡರ್ ಬೆಲೆಗಳನ್ನು ನಿಯಮಿತವಾಗಿ ಹೆಚ್ಚಳ ಮಾಡುವ ತನ್ನ ಆದೇಶವನ್ನು ಸರ್ಕಾರ ಹಿಂದಕ್ಕೆ ಪಡೆದಿದೆ ಎಂದು ಮಾದ್ಯಮ ವರದಿಯೊಂದು ತಿಳಿಸಿದೆ.
ಬಡವರಿಗೆ ಉಚಿತ ಅಡಿಗೆ ಅನಿಲ ವಿತರಿಸುವ ಉಜ್ವಲ ಯೋಜನೆಗೆ ಈ ಆದೇಶ ವಿರುದ್ಧವಾಗಿದೆ ಎನ್ನುವ ಕಾರಣಕ್ಕೆ ಈ ನಿರ್ಧಾರಕ್ಕೆ ಬಂದಿರುವುದಾಗಿ ಸರ್ಕಾರ ತಿಳಿಸಿದೆ. ಆದರೆ ಸಬ್ಸಿಡಿ ಸಿಲೆಂಡರ್ ಬೆಲೆಗಳಲ್ಲಿ ಅಕ್ಟೋಬರ್ ನಂತರವೂ ಏರಿಕೆಯಾಗಿದೆ ಎಂಡು ಮೂಲಗಳು ಹೇಳಿವೆ.
2016ರ ಜೂನ್‌ನಿಂದ ಗೃಹ ಬಳಕೆ ಸಿಲಿಂಡ್ ಬೆಲೆಯನ್ನು ಪ್ರತಿ ತಿಂಗಳು 4 ರೂ. ನಂತೆ ಹೆಚ್ಚಿಸಲು ತೈಲ ಸಂಸ್ಥೆಗಳಿಗೆ ಸರ್ಕಾರ ಸೂಚಿಸಿತ್ತು. ಆದರೆ ಅಕ್ಟೋಬರ್ ನಿಂದ ಈ ಆದೇಶವನ್ನು ಹಿಂಪಡೆದಿದ್ದು ಸಂಸ್ಥೆಗಳು ಅಡಿಗೆ ಅನಿಲ ಸಿಲೆಂಡರ್ ಗಳ ಬೆಲೆಗಳಲ್ಲಿ ಏರಿಕೆ ಮಾಡಿಲ್ಲ. ಈ ಆದೇಶ ಜಾರಿಯಾದ ನಂತರದಲ್ಲಿ ಸಿಲೆಂಡರ್ ಬೆಲೆಗಳು ಪ್ರತಿ ತಿಂಗಳು ಏರುತ್ತಿದ್ದು ಸಬ್ಸಿಡಿ ಅಡುಗೆ ಅನಿಲದ ಬೆಲೆ 76.5 ರೂ. ಏರಿಕೆ ಕಂಡಿದೆ.