ನವದೆಹಲಿ: ಸ್ಪೇಸ್ ಜೆಟ್ ವಿಮಾನದ ರೆಕ್ಕೆ ಇಂಡಿಗೊ ಬಸ್ ಗೆ ತಗುಲಿದ್ದರಿಂದ ಬಸ್ ನಲ್ಲಿದ್ದ ಐವರು ಪ್ರಯಾಣಿಕರಿಗೆ ಗಾಯಗಳಾಗಿದೆ.
ದೆಹಲಿಯ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಇಂಡಿಗೊ ವಿಮಾನ ಮುಂಬೈಗೆ ಹೊರಡಬೇಕಿತ್ತು. ಈ ವೇಳೆ ಪ್ರಯಾಣಿಕರನ್ನು ಕರೆದೊಯ್ಯುತ್ತಿದ್ದ ಬಸ್ ಗೆ ಲ್ಯಾಂಡ್ ಆಗುತ್ತಿದ್ದ ಸ್ಪೇಸ್ ಜೆಟ್ ವಿಮಾನದ ರೆಕ್ಕೆ ತಗುಲಿದೆ. ಇದರಿಂದ ಇಂಡಿಗೊ ಬಸ್ ಕಿಟಕಿಗಳು ಹೊಡೆದಿದೆ. ಈ ಘಟನೆಯಲ್ಲಿ ಐವರು ಪ್ರಯಾಣಿಕರು ಗಾಯಗೊಂಡಿದ್ದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಈ ಪ್ರಕರಣ ಕುರಿತಂತೆ ನಾಗರಿಕ ವಿಮಾನಯಾನ ಮಹಾ ನಿರ್ದೇಶನಾಲಯ ತನಿಖೆಗೆ ಆದೇಶಿಸಿದೆ.