ಸಂಭಾಲ್(ಉತ್ತರಪ್ರದೇಶ): ಅನ್ಯ ಧರ್ಮೀಯನೊಂದಿಗೆ ಪ್ರೀತಿಯಲ್ಲಿ ಬಿದ್ದಿದ್ದ ಮಗಳು ಮತ್ತು ಆತನ ಪ್ರಿಯಕರನನ್ನು ತಂದೆಯೆ ಮರ್ಯಾದಾ ಹತ್ಯೆ ಮಾಡಿರುವ ಅಮಾನುಷ ಘಟನೆ ಗಿನ್ನೋರ್ ಪ್ರದೇಶದಲ್ಲಿ ನಡೆದಿದೆ. 

ನಿನ್ನೆ ಸಂಜೆ ಮನೆಗೆ ಬಂದ ತಂದೆ ಅಚ್ಚನ್ ಕುರೇಶಿಗೆ ಮಗಳು ಮನೆಯಲ್ಲಿ ಇಲ್ಲದಿರುವುದನ್ನು ಕಂಡು ಹೆದರಿಯಾಗಿದೆ. ನಂತರ ಆಕೆಯನ್ನು ಹುಡುಕುವಾಗ ಆಕೆ ಪ್ರಿಯಕರ 18 ವರ್ಷದ ಸಲ್ಮಾನ್ ಮನೆಯಲ್ಲಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿರುವುದು ಕಂಡಿದ್ದಾರೆ. ಇದರಿಂದ ಕೋಪಗೊಂಡ ಅಚ್ಚನ್ ಅವರು ಮಗಳನ್ನು ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ. ನಂತರ ಪ್ರಿಯಕರ ಸಲ್ಮಾನ್ ನನ್ನು ಚೂರಿಯಿಂದ ಇರಿದು ಹತ್ಯೆ ಮಾಡಿದ್ದಾರೆ. 

ಪ್ರಕರಣಕ್ಕೆ ಸಂಬಂಧಿಸಿದಂತೆ ಗಿನ್ನೋರ್ ಪೊಲೀಸ್ ವರಿಷ್ಠಾಧಿಕಾರಿ ರವಿಶಂಕರ್ ಛಾವಿ ಅವರು ಕೊಲೆ ಆರೋಪಿ ಅಚ್ಚನ್ ಅವರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದ್ದು ತನಿಖೆ ನಡೆಸುತ್ತಿದೆ. ಇನ್ನು ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಹೇಳಿದ್ದಾರೆ.