ಕಾರ್ಗಿಲ್ ವಿಜಯ್ ದಿವಸ್ ಹಿನ್ನಲೆಯಲ್ಲಿ ಸಾಮಾಜಿಕ ಜಾಲತಾಣ ಟ್ವಿಟರ್ ನಲ್ಲಿ ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿಯವರು, ಕಾರ್ಗಿಲ್ ವಿಜಯೋತ್ಸವ ದಿನ ಭಾರತೀಯ ಸೇನೆಯ ಪರಾಕ್ರಮ ಹಾಗೂ ಭಾರತವನ್ನು ರಕ್ಷಣೆ ಮಾಡುವ ಸಲುವಾಗಿ ಅವರ ಶ್ರೇಷ್ಟ ತ್ಯಾಗ ಹಾಗೂ ಬಲಿದಾನಗಳನ್ನು ನೆನಪಿಸುತ್ತದೆ ಎಂದು ಹೇಳಿದ್ದಾರೆ. 

ಯುದ್ಧದ ಸಂದರ್ಭದಲ್ಲಿ ದೇಶದ ಹೆಮ್ಮೆ ಮತ್ತು ನಾಗರಿಕರ ಭದ್ರತೆಗಾಗಿ ಕೆಚ್ಚೆದೆಯಿಂದ ವೀರತ್ವದಿಂದ ಹೋರಾಡಿದ ನಮ್ಮ ಕೆಚ್ಚೆದೆ ಯೋಧರನ್ನು ಇಂದು ನಾವು ನೆನಪಿಸಿಕೊಳ್ಳುತ್ತಿದ್ದೇವೆಂದು ತಿಳಿಸಿದ್ದಾರೆ. 

ಪಾಕಿಸ್ತಾನ ವಿರುದ್ಧ 1999ರಲ್ಲಿ ಭಾರತ ಜಯಗಳಿಸಿದ ಐತಿಹಾಸಿಕ ದಿನವಾಗಿದ್ದು, ಕಾರ್ಗಿಲ್ ಯುದ್ಧ ನಡೆದು ಇಂದಿಗೆ 18 ವರ್ಷಗಳು ಗತಿಸಿವೆ. ಹಿಮಾಲಯದ ಕೊರೆಯುವ ಚಳಿಯಲ್ಲಿ 1999ರ ಮೇಯಿಂದ ಜು.26 ರವರೆಗೆ ನಡೆದಿದ್ದ ಈ ಕದನದಲ್ಲಿ ಕರ್ನಾಟಕದ 15 ಯೋಧರೂ ಸೇರಿದಂದೆ ಭಾರತೀಯ ಸೈನ್ಯದ ಸುಮಾರು 527 ಮಂದಿ ವೀರಮರಣನ್ನಪ್ಪಿದ್ದರು.