ಭೋಪಾಲ್: ಆರ್ಥಿಕ ವರ್ಷವನ್ನು ಏಪ್ರಿಲ್-ಮಾರ್ಚ್ ನಿಂದ ಜನವರಿ-ಡಿಸೆಂಬರ್ ಗೆ ಬದಲಾವಣೆ ಮಾಡುವ ಪ್ರಧಾನಿ ನರೇಂದ್ರ ಮೋದಿ ಬೆಂಬಲಿತ ಚಿಂತನೆಯನ್ನು ಮಧ್ಯಪ್ರದೇಶ ಸರ್ಕಾರ ಅಳವಡಿಸಿಕೊಂಡಿದೆ.

ಮಧ್ಯಪ್ರದೇಶ ಸರ್ಕಾರದ ತೀರ್ಮಾನದಂತೆ ಆರ್ಥಿಕ ವರ್ಷ ಬದಲಾಗಿರುವ ಹಿನ್ನೆಲೆಯಲ್ಲಿ ರಾಜ್ಯದ ಬಜೆಟ್ ಡಿಸೆಂಬರ್ ನಲ್ಲಿ ಮಂಡನೆಯಾಗಲಿದೆ. ಆರ್ಥಿಕ ವರ್ಷವನ್ನು ಏಪ್ರಿಲ್-ಮಾರ್ಚ್ ನಿಂದ ಜನವರಿ-ಡಿಸೆಂಬರ್ ಗೆ ಬದಲಾವಣೆ ಮಾಡುವ ಬಗ್ಗೆ ನೀತಿ ಆಯೋಗದ ಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಪ್ರಸ್ತಾಪಿಸಿದ್ದರು. 

ಆರ್ಥಿಕ ವರ್ಷದ ಬದಲಾವಣೆಗಾಗಿ ಪ್ರಧಾನಿ ನರೇಂದ್ರ ಮೋದಿ ಯಾವುದೇ ಗಡುವು ವಿಧಿಸಲಿಲ್ಲವಾದರೂ ರಾಜ್ಯ ಸರ್ಕಾರಗಳು ಈ ಬಗ್ಗೆ ಕ್ರಮ ಕೈಗೊಳ್ಳಬೇಕೆಂದು ಸಲಹೆ ನೀಡಿದ್ದರು. ಪ್ರಧಾನಿ ನರೇಂದ್ರ ಮೋದಿ ಅವರ ಸಲಹೆಯನ್ನು ಪರಿಗಣಿಸಿ ಮಧ್ಯಪ್ರದೇಶ ಸರ್ಕಾರ ಆರ್ಥಿಕ ವರ್ಷವನ್ನು ಏಪ್ರಿಲ್-ಮಾರ್ಚ್ ನಿಂದ ಜನವರಿ-ಡಿಸೆಂಬರ್ ಗೆ ಬದಲಾವಣೆ ಮಾಡಿದೆ.