ಇಂಫಾಲ: ಮಣಿಪುರದಲ್ಲಿ ಮೇ.8 ರಂದು ಬೆಳಿಗ್ಗೆ ಸ್ಫೋಟ ಸಂಭವಿಸಿದ್ದು, ಭಾರತೀಯ ಸೇನೆಯ ಹಲವು ಸಿಬ್ಬಂದಿಗಳು ತೀವ್ರವಾಗಿ ಗಾಯಗೊಂಡಿದ್ದಾರೆ. 

ಅಂತಾರಾಷ್ಟ್ರೀಯ ಗಡಿ ಪ್ರದೇಶದಲ್ಲಿ ಸ್ಫೋಟ ಸಂಭವಿಸಿದ್ದು, ವರದಿಗಳ ಪ್ರಕಾರ ವಿದೇಶಿ ನಿರ್ಮಿತ ರಿಮೋಟ್ ನಿಯಂತ್ರಿತ ಬಾಂಬ್ ನ್ನು ಲೋಕಚೋ ಟ್ರಾನ್ಸ್ ಏಷ್ಯನ್ ಹೈವೇಯಲ್ಲಿ  ಸ್ಫೋಟ ನಡೆಸಲಾಗಿದೆ. 165 ಟೆರಿಟೋರಿಯಲ್ ಆರ್ಮಿಯ ಸಿಬ್ಬಂದಿಗಳು ಹೈವೇಯಲ್ಲಿ ತೆರಳುತ್ತಿರಬೇಕಾದರೆ ಬಾಂಬ್ ಸ್ಫೋಟಗೊಂಡಿದೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. 

ಗಾಯಾಳುಗಳನ್ನು ತಕ್ಷಣವೇ ಸ್ಥಳೀಯ ಸೇನಾ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ತೀವ್ರವಾಗಿ ಗಾಯಗೊಂಡಿದ್ದ ನಾಲ್ವರು ಸಿಬ್ಬಂದಿಗಳನ್ನು ಆಸ್ಪತ್ರೆಗೆ ಕರೆದೊಯ್ಯಲು ಹೆಲಿಕಾಫ್ಟರ್ ಸೇವೆಯನ್ನು ಬಳಕೆ ಮಾಡಲಾಗಿದೆ. ಪೊಲೀಸ್ ಅಧಿಕಾರಿಗಳ ಪ್ರಕಾರ ಇನ್ನೂ ಹೆಚ್ಚಿನ ಮಂದಿಗೆ ಗಾಯಗಳು ಉಂಟಾಗಿದೆ.