ನವದೆಹಲಿ: ಸರ್ಕಾರಿ ಸ್ವಾಮ್ಯದ ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್(ಐಜಿಎಲ್) ಸಿಎನ್ ಜಿ ಹಾಗೂ ಪಿಎನ್ ಜಿ ಇಂಧನ ದರ ಪರಿಷ್ಕರಣೆ ಮಾಡಿದ್ದು, ಸಿಎನ್ ಜಿ ದರವನ್ನು ಪ್ರತಿ ಕೆಜಿ ಗೆ  40 ಪೈಸೆ ಹಾಗೂ ಪಿಎನ್ ಜಿ ದರವನ್ನು ಪ್ರತಿ ಕೆಜಿಗೆ 81 ಪೈಸೆ  ಏರಿಕೆ ಮಾಡಿದೆ. 

ದೆಹಲಿ, ನೋಯ್ಡಾ, ಗ್ರೇಟರ್ ನೋಯ್ಡಾ, ಗಾಜಿಯಾಬಾದ್ ನಲ್ಲಿ ಬುಧವಾರದಿಂದ ಪರಿಷ್ಕೃತ ದರ ಜಾರಿಗೆ ಬರಲಿದೆ ಎಂದು ಪ್ರಕಟಣೆ ತಿಳಿಸಿದೆ. ದೆಹಲಿಯಲ್ಲಿ ಸಿಎನ್ ಜಿ ದರ 35 ಪೈಸೆಯಷ್ಟು ಏರಿಕೆಯಾಗಿದ್ದರೆ ನೋಯ್ಡಾ, ಗ್ರೇಟರ್ ನೋಯ್ಡಾ, ಗಾಜಿಯಾಬಾದ್ ನಲ್ಲಿ 40 ಪೈಸೆ ಏರಿಕೆಯಾಗಿದ್ದು, ದೆಹಲಿಯಲ್ಲಿ ಮಾತ್ರ ಸಿಎನ್ ಜಿ ದರ ಪ್ರತಿ ಕೆಜಿ 37.65 ರೂಪಾಯಿಯಷ್ಟಿರಲಿದೆ. ನೋಯ್ಡಾ, ಗ್ರೇಟರ್ ನೋಯ್ಡಾ, ಗಾಜಿಯಾಬಾದ್ ಗಳಲ್ಲಿ 43.15 ರೂಪಾಯಿಯಷ್ಟಾಗಲಿದೆ 

ಐಜಿಎಲ್ ಮಧ್ಯರಾತ್ರಿ 12.30 ರಿಂದ 5.30 ರ ವರೆಗೆ ಸಿಎನ್ ಜಿ, ಪಿಎನ್ ಜಿ ಇಂಧನ ತುಂಬಿಸಿಕೊಳ್ಳುವ ಗ್ರಾಹಕರಿಗೆ 1.50 ರೂಪಾಯಿ ರಿಯಾಯಿತಿಯನ್ನೂ ಘೋಷಿಸಿದೆ.