ಅಲಹಾಬಾದ್: ಬಿಹಾರದ ಸಂಸದ ರಾಮ್ ಕಿಶೋರ್ ಸಿಂಗ್ ಪುತ್ರ ರಾಜೀವ್ ಪ್ರತಾಪ್ ಸಿಂಗ್ ರಸ್ತೆ ಅಪಘಾತದಲ್ಲಿ ಮೃತಪಟ್ಟಿದ್ದಾರೆ.
ಉತ್ತರ ಪ್ರದೇಶದ ಅಲಹಾಬಾದ್ ಹೊರವಲಯದಲ್ಲಿರುವ ಹೆದ್ದಾರಿಯಲ್ಲಿ ಹೋಂಡಾ ಸಿಟಿ ಕಾರಿನಲ್ಲಿ ರಾಜೀವ್ ಪ್ರತಾಪ್ ಒಬ್ಬರೇ ಪ್ರಯಾಣಿಸುತ್ತಿದ್ದು ಈ ವೇಳೆ ಟ್ರಕ್ ಗೆ ರಾಜೀವ್ ಕಾರು ಡಿಕ್ಕಿ ಹೊಡೆದಿದ್ದು ಈ ದುರ್ಘಟನೆ ಸಂಭವಿಸಿದೆ.
ಅಪಘಾತ ಸಂಭವಿಸಿದ ಕೂಡಲೇ ರಾಜೀವ್ ಪ್ರತಾಪ್ ರನ್ನು ಸ್ಥಳೀಯರು ಸ್ವರೂಪ್ ರಾಣಿ ನೆಹರೂ ಆಸ್ಪತ್ರೆಗೆ ರವಾನಿಸಿದರು. ಆದರೆ ಅಷ್ಟರಲ್ಲಾಗಲೇ ರಾಜೀವ್ ಅಸುನೀಗಿದ್ದರು.
ಸಂಸದ ರಾಮ್ ಕಿಶೋರ್ ಸಿಂಗ್ ಎಲ್ ಜೆಪಿ ಪಕ್ಷದವರಾಗದ್ದು ಬಿಹಾರ ವೈಶಾಲಿ ಕ್ಷೇತ್ರದ ಸಂಸದರಾಗಿದ್ದಾರೆ.