ಸಂಜಯ್ ಲೀಲಾ ಬನ್ಸಾನಿ ನಿರ್ದೇಶನದ ಪದ್ಮಾವತಿ ಚಿತ್ರದಲ್ಲಿ ಇತಿಹಾಸ ತಿರುಚಲಾಗಿದೆ ಎಂದು ರಜಪೂತ ಕರಣಿ ಸೇನಾ ಆರೋಪಿಸುತ್ತಿರುವ ಬೆನ್ನಲ್ಲೇ ಕಾಂಗ್ರೆಸ್ ಸಂಸದ ಶಶಿ ತರೂರ್ ರಜಪೂತರ ಬೆಂಬಲಕ್ಕೆ ನಿಂತಿದ್ದಾರೆ. 

ಈ ಹಿಂದೆ ರಜಪೂತರ ಪ್ರತಿಭಟನೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದ ಶಶಿ ತರೂರ್ ಈಗ ರಜಪೂತರ ಭಾವನೆಗಳನ್ನೂ ಗೌರವಿಸಬೇಕಿದೆ ಎಂದು ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದಾರೆ. ಬಿಜೆಪಿ ಬೆಂಬಲಿಗರು ನಾನು ರಜಪೂತರ ಗೌರವಾದರಗಳಿಗೆ ಧಕ್ಕೆ ಉಂಟು ಮಾಡುತ್ತಿದ್ದೇನೆ ಎಂದು ಹೇಳುತ್ತಿದ್ದಾರೆ. ನಾನು ರಜಪೂತ ರಾಜರು ಬ್ರಿಟೀಷರೊಂದಿಗೆ ತಮ್ಮ ಅನುಕೂಲಕ್ಕೆ ತಕ್ಕಂತೆ ವ್ಯವಹರಿಸಿದ್ದರು ಎಂದಷ್ಟೇ ಹೇಳಿದ್ದೆ. ನಾನು ನನ್ನ ಜೀವನದಲ್ಲಿ ಕೋಮುವಾದದ ಕಾಮೆಂಟ್ ಮಾಡಿಲ್ಲ ಎಂದು ತಿಳಿಸಿದ್ದಾರೆ. 

ಭಾರತದ ವಿವಿಧತೆ ಹಾಗೂ ಸೌಹಾರ್ದತೆಗಾಗಿ ರಜಪೂತ ಸಮುದಾಯದ ಭಾವನೆಗಳನ್ನೂ ನಾವು ಗೌರವಿಸಬೇಕಿದೆ, ರಜಪೂತರ ಶೌರ್ಯವೂ ನಮ್ಮ ಇತಿಹಾಸದ ಭಾಗ, ಇದು ಪ್ರಶ್ನಾತೀತವಾಗಿದೆ ಎಂದು ಶಶಿ ತರೂರ್ ಹೇಳಿದ್ದಾರೆ.