ನವದೆಹಲಿ: ಮೂಢನಂಬಿಕೆಗೆ ಇದು ಸ್ಪಷ್ಟ ನಿದರ್ಶನ ಎನ್ನಬಹುದೇನೋ, ಛತ್ತೀಸ್ ಗಢದ ಮುಖ್ಯಮಂತ್ರಿ ರಮಣ್ ಸಿಂಗ್ ಇತ್ತೀಚೆಗೆ ಮಿತ್ಸುಬಿಷಿ ಪಜೆರೊ ಎಸ್ ಯುವಿ 19 ಕಾರುಗಳನ್ನು ಖರೀದಿಸಿದ್ದರು. ಅವುಗಳ ಸಂಖ್ಯೆಗಳೆಲ್ಲವೂ 004 ಎಂದು ಕೊನೆಗೆ ಇದೆ.

ಮಾವೋವಾದಿಗಳ ಸಮಸ್ಯೆ ಹೆಚ್ಚಾಗಿರುವ ಕಾರಣ ಛತ್ತೀಸ್ ಗಢ ಮುಖ್ಯಮಂತ್ರಿ ಸ್ಟರ್ಡಿ ಎಸ್ ಯುವಿ ಕಾರುಗಳನ್ನು ಖರೀದಿಸಿದ್ದಾರೆ ಎಂದು ಕೆಲವರು ಹೇಳಿದರೆ ಇನ್ನು ಕೆಲವರು 19 ಸಂಖ್ಯೆ ಗೆಲುವಿನ ಸಂಕೇತವಾಗಿದ್ದು ಮೂಢನಂಬಿಕೆಯಿಂದ ಈ ಸಂಖ್ಯೆಯ ಕಾರುಗಳನ್ನು ಖರೀದಿಸಿದ್ದಾರೆ ಎಂದು ಜನರು ಮಾತನಾಡಿಕೊಳ್ಳುತ್ತಿದ್ದಾರೆ. 

ಆದರೆ ಇದನ್ನು ನಿರಾಕರಿಸಿರುವ ಮುಖ್ಯಮಂತ್ರಿ ರಮಣ್ ಸಿಂಗ್, ಕಾರುಗಳ ನಂಬರ್ ಪ್ಲೇಟುಗಳನ್ನು ಆರ್ ಟಿಒ ಕಚೇರಿಗಳು ನಿರ್ಧರಿಸುತ್ತವೆಯೇ ಹೊರತು ನಾವಲ್ಲ. ನಮಗೆ ಸಿಕ್ಕಿರುವ ಸಂಖ್ಯೆಗಳೆಲ್ಲವು ಅದೃಷ್ಟದ ಸಂಖ್ಯೆಗಳಾಗಿವೆಯೇ ವಿನಃ ಇದರಲ್ಲಿ ಮ್ಯಾಜಿಕ್, ಮೂಢನಂಬಿಕೆಯೇನು ಇಲ್ಲ. ನಾನು ನನ್ನ ಜೀವನದಲ್ಲಿ ಮೂಢಾಚಾರಗಳನ್ನು ನಂಬುವುದಿಲ್ಲ ಎಂದರು.

2003ರಿಂದ ರಮಣ್ ಸಿಂಗ್ ಅವರು ಸತತ ಮೂರು ಬಾರಿ ಮುಖ್ಯಮಂತ್ರಿಯಾಗಿದ್ದಾರೆ. ಕಾಂಗ್ರೆಸ್ ನ ಅಜಿತ್ ಜೋಗಿ ನಂತರ ರಮಣ್ ಸಿಂಗ್ ಮುಖ್ಯಮಂತ್ರಿಯಾಗಿದ್ದಾರೆ. ಮುಂದಿನ ವರ್ಷ ರಾಜ್ಯದಲ್ಲಿ ಚುನಾವಣೆ ನಡೆಯಲಿದೆ.