ನ್ಯೂಯಾರ್ಕ್: ಚೀನಾ-ಪಾಕಿಸ್ತಾನದ ಮಹತ್ವಾಕಾಂಕ್ಷಿ ಯೋಜನೆ ಚೀನಾ ಪಾಕಿಸ್ತಾನ ಎಕೆನಾಮಿಕ್ ಕಾರಿಡಾರ್ (ಸಿಪಿಇಸಿ) ಯೋಜನೆಗೆ ಭಾರತ ಅಪಾಯಕಾರಿ ಅಲ್ಲ, ಬದಲಾಗಿ ಪಾಕಿಸ್ತಾನದಲ್ಲಿರುವ ಭ್ರಷ್ಟಾಚಾರವೇ ಸಮಸ್ಯೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. 

ಸಿಪಿಇಸಿ ಯೋಜನೆ ವಿಳಂಬಕ್ಕೆ ಎರಡೂ ಕಡೆಯಲ್ಲಿರುವ ಭ್ರಷ್ಟಾಚಾರವೇ ಕಾರಣ ಎಂದು ನ್ಯೂಯಾರ್ಕ್ ನ ಎಲ್ಐಯು ನಲ್ಲಿನ ಎಕೆನಾಮಿಕ್ಸ್ ವಿಭಾಗದ ಪ್ರೊಫೆಸರ್ ಪ್ಯಾನೊಸ್ ಮೌರ್ಡುಕೌಟಾಸ್ ಹೇಳಿದ್ದಾರೆ. ಮಹತ್ವಾಕಾಂಕ್ಷಿ ಯೋಜನೆಯಲ್ಲಿ ಚೀನಾ ಹಾಗೂ ಪಾಕಿಸ್ತಾನದ ನಡುವಿನ ಪಾಲುದಾರಿಕೆ ಮರಳಿನಿಂದ ನಿರ್ಮಾಣವಾದ ಕೋಟೆಯಂತೆ ಕಾಣುತ್ತಿದೆ. ಸಿಪಿಇಸಿಯಲ್ಲಿನ ವಿಳಂಬ ಹಾಗೂ ಹೆಚ್ಚು ಖರ್ಚುಗಳು ಪಾಕಿಸ್ತಾನವನ್ನು ಸಾಲದ ಸುಳಿಯಲ್ಲಿ ಸಿಲುಕಿಸಿದ್ದು, ಐಎಂಎಫ್ ಎದುರು ನಿಲ್ಲುವಂತೆ ಮಾಡಿದೆ. ಈ ಹಿನ್ನೆಲೆಯಲ್ಲಿ ಸಿಪಿಇಸಿಗೆ ಭಾರತ ಅಪಾಯಕಾರಿ ಅಲ್ಲ ಬದಲಾಗಿ ಪಾಕಿಸ್ತಾನದ ಭ್ರಷ್ಟಾಚರವೇ ಸಮಸ್ಯೆಯಾಗಿದ್ದು ಈ ಯೋಜನೆಯಲ್ಲಿ ಭಾಗವಹಿಸಿರುವ ಇತರೆ ದೇಶಗಳೂ ಪರಿಸ್ಥಿತಿಯ ಬಗ್ಗೆ ಅಸಮಾಧಾನ ಹೊಂದಿವೆ ಎಂದು ಹೇಳಿದ್ದಾರೆ.