ವಾರಣಾಸಿ:: 2022 ರ ಹೊತ್ತಿಗೆ ಪ್ರತಿ ಬಡವರೂ, ಅವರು ನಗರ ದಲ್ಲಿರಲಿ ಗ್ರಾಮೀಣ ಪ್ರದೇಶದಲ್ಲಿರಲಿ ಸ್ವಂತ ಮನೆ ಹೊಂದಲಿದ್ದಾರೆ ಎಂದು ಪ್ರಧಾನಿ ಮೋದಿ ಭರವಸೆ ನೀಡಿದರು.
ವಾರಣಾಸಿಯಲ್ಲಿ ನಡೆದ ಸಮಾವೇಶದಲ್ಲಿ ಮಾತನಾಡಿದ ಪ್ರಧಾನಿ, ಪ್ರತಿಯೊಬ್ಬರಿಗೂ ವಸತಿ ನೀಡುವ ಭರವಸೆ ನೀಡಿದರು ಹೀಗೆ ಕೋಟಿಗಟ್ತಲೆ ಮನೆಗಳನ್ನು ನಿರ್ಮಿಸುವ ಕೆಲಸವು ಸಹ ಸಾವಿರಾರು ಜನರ ಆದಾಯ ಮೂಲವಾಗಲಿದೆ ಎಂದಿದ್ದಾರೆ.
"ನಮ್ಮ ರಾಜಕೀಯವು ಮತಗಳಿಕೆಗಾಗಿ ಅಲ್ಲ. ನಮ್ಮ ಸಂಸ್ಕೃತಿ ವಿಭಿನ್ನವಾಗಿದ್ದು, ಪಕ್ಷಕ್ಕಿಂತ ದೇಶವು ದೊಡ್ಡದು" ಎಂದ ಪ್ರಧಾನಿ ವಿರೋಧ ಪಕ್ಷಗಳನ್ನು ತರಾಟೆಗೆ ತೆಗೆದುಕೊಂಡರು.
"ನಮ್ಮ ಆದ್ಯತೆ ಮತಗಳನ್ನು ಪಡೆಯುವುದಲ್ಲ. ಪ್ರಾಣಿಗಳು ಮತ ಹಾಕುವುದಿಲ್ಲ" ಎಂದರು.
ಇದಕ್ಕೂ ಮುನ್ನ ಪ್ರಧಾನ ಮಂತ್ರಿ ಷಹನ್ ಷಹಾಪುರ್ ನಲ್ಲಿ ಪಶು ಆರೋಗ್ಯ ಮೇಳಕ್ಕೆ ಭೇಟಿ ನೀಡಿದ್ದರು. ಪಶು ಆರೋಗ್ಯ ಮೇಳವನ್ನು ಸಂಘಟಿಸಿದ್ದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಕಾರ್ಯವನ್ನು ಮೋದಿ ಶ್ಲಾಘಿಸಿದರು