ಬೆಂಗಳೂರು: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಇದೇ ಜನವರಿ  12ರಂದು  ತನ್ನ 100 ನೇ ಉಪಗ್ರಹವನ್ನು ಪೋಲಾರ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (ಪಿಎಸ್ ಎಲ್ ವಿ) ಮೀಲಕ ಕಕ್ಷೆಗೆ ಸೇರಿಸಲಿದೆ.

"ನಾವು ಮೈಕ್ರೋಸ್ಯಾಟ್ ಹಾಗೂ ನ್ಯಾನೋಸ್ಯಾಟ್ ಮುಂತಾದ ವಿವಿಧ ಉಪಗ್ರಹಗಳ ಸಮೂಹವನ್ನು ಹೊಂದಿರುತ್ತೇವ. ಇದುವರೆಗೆ ಪಿಎಸ್ ಎಲ್ ವಿ ಉಡಾವಣಾ ವಹನದ ಮೂಲಕ ಒಟ್ಟು 31 ಉಪಗ್ರಹಗಳನ್ನು ಕಖ್ಷೆಗೆ ಕಳಿಸಲಾಗಿದ್ದು ಇದರಲ್ಲಿ 28 ವಿದೇಶೀ ಉಪಗ್ರಹಗಳಾದರೆ ಮೂರು ಭಾರತೀಯ ಉಪಗ್ರಹಗಳಾಗಿದೆ " ಇಸ್ರೋ ಕೇಂದ್ರದ ನಿರ್ದೇಶಕ ಎಂ. ಅಣ್ಣಾದೊರೈ ಹೇಲಿದ್ದಾರೆ.

ಇಸ್ರೋ ಉಪಗ್ರಹ ಉಡಾವಣೆಯಲ್ಲಿ ಇತ್ತೀಚಿನ ವಿಫಲತೆಯ ಕುರಿತು ಮಾತನಾಡಿ, ಇಸ್ರೋ ನಲ್ಲಿನ ವಿಜ್ಞಾನಿಗಳು ಸಮಸ್ಯೆಯನ್ನು ಅರ್ಥಮಾಡಿಕೊಂಡಿದ್ದಾರೆ ಮತ್ತು ಭವಿಷ್ಯದಲ್ಲಿ ಸಮಸ್ಯೆ ಪುನರಾವರ್ತಿಸುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಪುನರ್ ಪರೀಕ್ಷೆಗಳನ್ನು ನಡೆಸಲಾಗಿದೆ ಎಂದರು.

ಪಿಎಸ್ ಎಲ್ ವಿ ಗೆ ಇದು 42ನೇ ಉದಾವಣೆಯಾಗಿದ್ದು 710ಕೆಜಿ ಕಾರ್ಟೋಸ್ಯಾಟ್, ಭೂ ವೀಕ್ಷಣೆಗಾಗಿ ಎರಡು ಸರಣಿ  ಉಪಗ್ರಹ, 613ಕೆಜಿ ಒತ್ಟು ತೂಕದ 30 ಸಹ ಉಪಗ್ರಹಗಳನ್ನು ಹೊತ್ತಿರುವ ಪಿಎಸ್ ಎಲ್ ವಿ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಉದಾವಣೆಗೊಳ್ಳಲಿದೆ ಎಂದು ಇಸ್ರೋ ಪ್ರಕಟಣೆ ತಿಳಿಸಿದೆ.