ಚೆನ್ನೈ: ಆಸ್ಪತ್ರೆಯ ಖರ್ಚು ಉಳಿಸಬಹುದೆಂದು ಪತಿಯೇ ತನ್ನ ನೆರೆಮನೆಯವರ ಜತೆ ಸೇರಿ ಪತ್ನಿಗೆ ಹೆರಿಗೆ ಮಾಡಿಸುವ ಸಂದರ್ಭದಲ್ಲಿ ಯಡವಟ್ಟಾಗಿದ್ದು ಮಹಿಳೆ ಮೃತಪಟ್ಟಿರುವ ದುರಂತ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

ತಿರುವಣ್ಣಾಮಲೈ ಜಿಲ್ಲೆಯ ಪುದುಪಾಲ್ಯಂ ಸಮೀಪದ ರೈತನಗಿರೀಶ್ವರ್ ನಗರದಲ್ಲಿ ಈ ಘಟನೆ ನಡೆದಿದೆ. ಮೃತ ಮಹಿಳೆಯನ್ನು 28 ವರ್ಷದ ಕೃತಿಕಾ ಎಂದು ಗುರುತಿಸಲಾಗಿದೆ. 

ಕೃತಿಕಾ ಪತಿ ಕಾರ್ತಿಕೇಯನ್ ಬಟ್ಟೆ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದು ಈ ದಂಪತಿಗೆ ಈಗಾಗಲೇ ಮೂರು ವರ್ಷದ ಮಗಳಿದ್ದಾಳೆ. ಎರಡನೇ ಬಾರಿಗೆ ಗರ್ಭೀಣಿಯಾಗಿದ್ದ ಕೃತಿಗಾಳಿಗೆ ಭಾನುವಾರ ಹೆರಿಗೆ ನೋವು ಕಾಣಿಸಿಕೊಂಡಿದೆ. ಈ ವೇಳೆ ಕಾರ್ತಿಕೇಯನ್ ತನ್ನ ಕುಟುಂಬ ಸ್ನೇಹಿತರಾದ ಪ್ರವೀಣ್ ಹಾಗೂ ಲಾವಣ್ಯ ದಂಪತಿ ಜೊತೆ ಸೇರಿ ಮನೆಯಲ್ಲೇ ಹೆರಿಗೆ ಮಾಡಿಸಲು ಮುಂದಾಗಿದ್ದಾರೆ. 

ಮೂವರು ಸೇರಿ ಯೂಟ್ಯೂಬ್ ನಲ್ಲಿ ಹೆರಿಗೆ ಮಾಡಿಸುವ ವಿಡಿಯೋವನ್ನು ನೋಡಿದ್ದಾರೆ. ಅದರಂತೆ ಕೃತಿಕಾಗೆ ಹೆರಿಗೆ ಮಾಡಿಸಿದ್ದು ಹೆಣ್ಣು ಮಗುವಿಗೆ ಜನ್ಮ ನೀಡಿದ ಕೃತಿಕಾ ಮೃತಪಟ್ಟಿದ್ದಾಳೆ ಎಂದು ಆರೋಗ್ಯ ಕೇಂದ್ರದ ಅಧಿಕಾರಿಗಳು ತಿಳಿಸಿದ್ದಾರೆ. 

ಈ ಸಂಬಂಧ ಕಾರ್ತಿಕೇಯನ್ ಮತ್ತು ಪ್ರವೀಣ್-ಲಾವಣ್ಯ ದಂಪತಿ ವಿರುದ್ಧ ಪೊಲೀಸರಿಗೆ ದೂರು ನೀಡಲಾಗಿದೆ.