ಪಾರಿದಾಬಾದ್: ಹರಿಯಾಣದ ಪಾರಿದಾಬಾದ್  ಜಿಲ್ಲೆಯಲ್ಲಿ  ನಾಲ್ಕು ವರ್ಷದ ಬಾಲಕಿ ಮೇಲೆ  ಅಮಾನವೀಯವಾಗಿ ಅತ್ಯಾಚಾರ ನಡೆಸಿ,  ಕೊಲೆ ಮಾಡಲಾಗಿದೆ.  ಬಳಿಕ ಶವವನ್ನು  ಕಂಟೈನರ್  ಒಳಗೆ ಬಿಸಾಕಲಾಗಿದೆ.

ಬಾಲಕಿಯ ತಂದೆಯ  ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದ ಕೆಲಸಗಾರನ್ನೇ ಈ ಕೃತ್ಯ ನಡೆಸಿದ್ದಾನೆ.  ರಾಷ್ಟ್ರ ರಾಜಧಾನಿ ನವದೆಹಲಿಯಿಂದ 80 ಕಿಲೋ ಮೀಟರ್ ದೂರದಲ್ಲಿರುವ ಪಾರಿದಾಬಾದ್ ನ ಅಸಾಹೊಟಿ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ಬಾಲಕಿ ಕೊಲೆಗೂ ಮುನ್ನಾ ಆಕೆಯ ಮೇಲೆ ಅತ್ಯಾಚಾರ ನಡೆದಿರುವುದು ವೈದ್ಯಕೀಯ ಪರೀಕ್ಷೆಯಿಂದ ತಿಳಿದುಬಂದಿದೆ.

 24 ವರ್ಷದ ವಿರೇಂದ್ರ  ಬಂಧಿತ  ಆರೋಪಿಯಾಗಿದ್ದಾನೆ.  ರಾತ್ರಿ 1-30ರ ಸುಮಾರಿನಲ್ಲಿ ಸ್ವೀಟ್ ಶಾಪ್ ನಿಂದ ಈತ ಹೊರಗೆ ಬಂದಿದ್ದಾನೆ. ಮನೆಗೆ ಆ ಬಾಲಕಿಯನ್ನು ಡ್ರಾಪ್ ಮಾಡಿದ್ದಾನೆ.  ಆದರೆ, ನಿನ್ನೆ ರಾತ್ರಿಯವರೆಗೂ ಅವರಿಬ್ಬರೂ ಸಿಕ್ಕಿರಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಗ್ರಾಮಸ್ಥರು ಈತನ ಮನೆಗೆ ಹೋದ್ದಾಗ ಆತ ಕಂಡುಬಂದಿದ್ದಾನೆ.  ಬಾಲಕಿ ದೇಹವು ತನ್ನ ಮನೆಯಲ್ಲಿ ಒಂದು ದೊಡ್ಡ ಕಂಟೇನರ್ ಒಳಗೆ ಬಿಸಾಡಿದೆ ಎಂದು  ಪೊಲೀಸರಿಗೆ  ತಿಳಿಸಿದ್ದಾನೆ.

ಪೋಕ್ಸೋ ಕಾಯ್ದೆಯಡಿ  ಆರೋಪಿ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಆತನನ್ನು ಬಂಧಿಸಲಾಗಿದೆ.  ಆತನಿಗೆ ಮದುವೆಯಾಗಿದೆ. ಆದರೆ, ಎರಡು ವರ್ಷಗಳಿಂದ ಹೆಂಡತಿ ಆತನ ಜೊತೆಯಲ್ಲಿ ಇರಲಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.