ಶ್ರೀನಗರ: ಭಾರತದಲ್ಲಿ ವಿದ್ವಂಸಕ ಕೃತ್ಯಗಳನ್ನು ಎಸಗಲು 35ಕ್ಕೂ ಹೆಚ್ಚು ಲಷ್ಕರ್ ಇ ತೊಯ್ಬಾ ಸಂಘಟನೆಯ ಉಗ್ರರು ಗಡಿ ನುಸುಳಿ ಬರಲು ಕಾಯುತ್ತಿದ್ದಾರೆ ಎಂದು ಗುಪ್ತಚರ ದಳ ಎಚ್ಚರಿಸಿದೆ.
ಜಮ್ಮು ಮತ್ತು ಕಾಶ್ಮೀರದ ನಾಲ್ಕು ಕಡೆಗಳಿಂದ ಗಡಿ ದಾಟಿ ಒಳ ನುಸುಳಲು ಕನಿಷ್ಠ 35 ಲಷ್ಕರ್ ಉಗ್ರರು ಸಿದ್ಧರಾಗಿ ನಿಂತಿದ್ದಾರೆ ಎಂದು ಗುಪ್ತಚರ ದಳ ಹೇಳಿದೆ.
ಮಾಚಿಲ್ ಎದುರು ಭಾಗದಲ್ಲಿರುವ ಶಾರ್ಡಿ ಎಂಬಲ್ಲಿನ ಗಡಿ ಪ್ರದೇಶದಲ್ಲಿ 18 ಎಲ್ಇಟಿ ಉಗ್ರರು ಜಮಾಯಿಸಿದ್ದಾರೆ. ಇನ್ನು ನೌಗಾಂವ್ ಎದುರಿನ ಲೀಪಾ ಎಂಬಲ್ಲಿಂದ ಒಳನುಸುಳಲು 8 ಉಗ್ರರು ಹೊಂಚು ಹಾಕಿ ಕುಳಿತಿದ್ದಾರೆ.
ಇದೇ ವೇಳೆ ಪೂಂಚ್ ನ ಕಾಲು ದೀ ಧೇರಿ ಎಂಬಲ್ಲಿ 6 ಉಗ್ರರು, ಕೋಟ್ ಲೀ ಪ್ರದೇಶದಲ್ಲಿ 3 ಉಗ್ರರು ಗಡಿ ನುಸುಳಲು ಸಿದ್ಧರಾಗಿದ್ದರೆ ಎಂದು ಗುಪ್ತಚರ ದಳ ಎಚ್ಚರಿಸಿದೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos