ಚೆನ್ನೈ: ಸಿಬಿಎಸ್ಇ ಪಠ್ಯಕ್ರಮದಲ್ಲಿ ಕಲಿಯುತ್ತಿರುವ ಒಂದು ಹಾಗೂ ಎರಡನೇ ತರಗತಿ ವಿದ್ಯಾರ್ಥಿಗಳಿಗೆ ಮನೆಗೆಲಸ (ಹೋಮ್ ವರ್ಕ್) ನೀಡುವುದನ್ನು ಮದ್ರಾಸ್ ಹೈಕೋರ್ಟ್ ನಿಷೇಧಿಸಿದೆ.

ತನ್ನ ಆದೇಶವನ್ನು ಉಲ್ಲಂಘಿಸುವ ಶಾಲೆಗಳ ಕುರಿತು ಪರಿಶೀಲಿಸಲು ಪರಿಶೀಲನೆ ದಳಗಳನ್ನು  ಸ್ಥಾಪಿಸಲು ಸಿಬಿಎಸ್ಇಗೆ ನ್ಯಾಯಾಲಯ ಬುಧವಾರ ಆದೇಶಿಸಿದೆ.

ಪುಟ್ಟ ಮಕ್ಕಳಿಗೆ ಆಗುವ ಅನಗತ್ಯ ಹೊರೆ ತಗ್ಗಿಸಲು ಹೆಚ್ಚುವರಿ ಪುಸ್ತಕಗಳ ಬಳಕೆ ನಿಲ್ಲಿಸಬೇಕೆಂದು ನ್ಯಾಯಾಲಯ ತಮಿಳುನಾಡು ಹಾಗೂ ನೆರೆ ರಾಜ್ಯಗಳಿಗೆ ಸಲಹೆ ನಿಡಿದೆ. ಈ ಕುರಿತಂತೆ  4 ವಾರಗಳಲ್ಲಿ ವರದಿಯನ್ನು ಸಲ್ಲಿಸಲುರಾಷ್ಟ್ರೀಯ ಶಿಕ್ಷಣ ಸಂಶೋಧನೆ ತರಬೇತಿ ಕೇಂದ್ರ (ಎನ್ ಸಿಇಆರ್ ಟಿ) ಮತ್ತು ಸಿಬಿಎಸ್ಇ  ಕೇಂದ್ರಕ್ಕೆ ಸೂಚಿಸಿದೆ.